टीम लोकमन मंगळवेढा |
स्नेहसंमेलन म्हणजे कलाविष्कार, स्नेहसंमेलन म्हणजे सुप्त गुणांचे प्रदर्शन, स्नेहसंमेलन म्हणजे निर्मळ आनंद देणारा सोहळा…शाळेच्या मुलांना स्नेहसंमेलनाची एक वेगळीच ओढ आणि आवड असते. म्हणून सर्वच विद्यालयांमध्ये वार्षिक स्नेहसंमेलनाचे आयोजन केले जाते.
उदयसिंह मोहिते पाटील इंग्लिश मीडियम स्कूलचा वार्षिक स्नेहसंमेलन सोहळा सोमवार दिनांक 2 व मंगळवार दिनांक 3 फेब्रुवारी 2025 रोजी मोठया उत्साहात साजरा करण्यात आला. विद्यालयाच्या परंपरेनुसार विशिष्ठ संकल्पनेवर आधारित स्नेहसंमेलनाचे आयोजन करण्यात आले होते.
साक्षरता, वैज्ञानिक दृष्टिकोन, राष्ट्रीय जबाबदारी, ध्येय निश्चिती, ऐतिहासिक परंपरा व संस्कृती निसर्गाबाबतची कृतज्ञता या समाजमन घडवणाऱ्या विषयावर मुलांनी सुंदर सादरीकरण केले.
कार्यक्रमाच्या उद्घाटनासाठी मंगळवेढा नगरीच्या नूतन लोकनियुक्त नगराध्यक्षा सुनंदा बबनराव आवताडे, प्रशालेचे विश्वस्त व राजपत्रित वैद्यकीय अधिकारी पतसंस्थेचे चेअरमन डॉ. नंदकुमार शिंदे, संत दामाजी मेडिकल फाउंडेशनच्या अध्यक्षा डॉ. पुष्पांजली शिंदे, रोटरी क्लब ऑफ मंगळवेढा सिटीचे पब्लिक इमेज डायरेक्टर व एल.एम.सी. मेंबर सोमनाथ इंगळे, मंगळवेढा मल्टीस्पेशालिटी हॉस्पिटलचे फिजिशियन डॉ. ओंकार कुलकर्णी, प्रशालेचे प्राचार्य सुधीर पवार, स्कूल कॅप्टन राज सोनवले व व्हाईस कॅप्टन जिया सय्यद आदी मान्यवर उपस्थित होते.
कार्यक्रमाची सुरुवात दीपप्रज्वलन व नटराज पूजनाने झाली. प्राध्यापक कल्पेश कांबळे व त्यांच्या चिमुकल्या टीमने स्वागतगीताने सर्व अतिथींचे स्वागत केले. सर्व अतिथींचा प्रशालेकडून यथोचित सत्कार करण्यात आला. कार्यक्रमाचे प्रास्ताविक प्रशालेचे प्राचार्य सुधीर पवार यांनी केले. दरवर्षी दिला जाणाऱा उत्कृष्ट विद्यार्थी पुरस्कार यावर्षी इयत्ता नववीतील आयुष्मान लक्ष्मण नागणे व सायली समाधान पाटील यांना उपस्थित अतिथींच्या हस्ते देण्यात आला.
नंतर हाऊस चॅम्पियनशिपची घोषणा करण्यात आली. रेड हाऊसला शैक्षणिक वर्ष 2025-26 साठी “चॅम्पियनशिप” ट्रॉफी मिळाली. प्रमुख पाहुण्यांनी रेड हाऊसच्या कर्णधारांचा ट्रॉफी देऊन गौरव केला. नगराध्यक्षा सुनंदा आवताडे यांनी विद्यार्थ्यांचे कौतुक करत प्रशालेला वार्षिक स्नेहसंमेलनासाठी शुभेच्छा दिल्या. डॉ.नंदकुमार शिंदे यांनी प्रशालेची भविष्यात असलेली ध्येय पालकांसमोर व्यक्त केली व विद्यार्थ्यांना वार्षिक स्नेहसंमेलनासाठी शुभेच्छा दिल्या.
वार्षिक स्नेहसंमेलनाच्या कार्यक्रमांमध्ये विविधता आढळून आली. त्यामध्ये छावा थीम, नरसिम्हा थीम, गोरा कुंभार थीम, धनगर थीम, फॅमिली थीम, बंजारा लोकनृत्य, बॉलीवूड रिमिक्स, देशभक्तीपर नृत्य, पंजाबी नृत्य, मोबाईलचे दुष्परिणाम थीम डान्स, ऑपरेशन सिंदूर, लेझीम डान्स, लगान थीम, बाहुबली,भूले बिसरे गीत, देवीचा गोंधळ, धर्मेंद्र थीम डान्स अशा विविध थीम विद्यार्थ्यांनी सादर केल्या.
दोन दिवसांच्या या कार्यक्रमाला पालकांचा उत्तुंग प्रतिसाद लाभला. पालकांनी विद्यार्थ्यांवर व शालेय व्यवस्थापनावर कौतुकाचा वर्षाव केला. हा कार्यक्रम यशस्वी करण्यासाठी प्रशालेचे विश्वस्त डॉ. नंदकुमार शिंदे व डॉ. पुष्पांजली शिंदे यांचे मार्गदर्शन लाभले. सर्व शिक्षक, पालक, शिक्षकेतर कर्मचारी यांनी हा कार्यक्रम यशस्वीरित्या पार पाडण्यासाठी परिश्रम घेतले. वंदेमातरमने कार्यक्रमाची सांगता झाली.
