टीम लोकमन मंगळवेढा |
मंगळवेढा शहरातील नगरपालिका प्राथमिक शाळा नंबर १ मुले, मंगळवेढा या शाळेतील इयत्ता तिसरीच्या विद्यार्थ्यांनी राज्यस्तरीय ब्रेन डेव्हलपमेंट स्कॉलरशिप या परीक्षेत घवघवीत यश संपादन करून सदर परीक्षेत शाळेचा दबदबा कायम ठेवला आहे.
मनस्वी दत्तात्रय जुंदळे व कृष्णा रविंद्र देवकर या दोघांनी सिल्व्हर मेडल पटकावले आहे. तर पृथ्वीराजसिंह अजितसिंह चव्हाण, स्वरा दीपक कोकरे, श्रीयोग गुरुराज बुरकुल, समर्थ सतीश माळी आणि वेदांत गंगाराम भोसले या विद्यार्थ्यांनी ब्रॉन्झ मेडल पटकावले आहे. या सर्व विद्यार्थ्यांना वर्गशिक्षिका सुनिता इराप्पा बागेवाडी व वर्गशिक्षक यशवंत शरणप्पा वाघमोडे यांचे मार्गदर्शन लाभले.
या सर्व गुणवंत विद्यार्थ्यांचे नगरपालिका प्राथमिक शिक्षण मंडळाच्या प्रशासन अधिकारी अर्चना जनबंधु, मुख्याध्यापिका संगीता ज्ञानदेव जावीर, वर्षा अनिल दत्तू, प्रशांत बालाजी कांबळे तसेच शाळा व्यवस्थापन समितीचे अध्यक्ष भाग्यश्री मुरडे, उपाध्यक्ष महेश आवळेकर, शाळा व्यवस्थापन समितीचे सर्व सदस्य, पालक व शिक्षणप्रेमी नागरिकांनी अभिनंदन केले.










