टीम लोकमन मंगळवेढा |
विद्यार्थ्यांना विविध कलागुण शिकता यावेत यासाठी उन्हाळी सुट्टीचा सदुपयोग व्हावा यादृष्टीने इंग्लिश स्कूल मंगळवेढा येथे आजपासून विविध छंद वर्गाचे आयोजन करण्यात आल्याची माहिती प्रशालेच्यावतीने देण्यात आली.
या छंद वर्गामध्ये मैदानावरील विविध खेळांचे प्रशिक्षण, रांगोळी, नाशिक ढोल, हस्ताक्षर, चित्रकला, क्राफ्टकला आदी कलागुणांचे प्रशिक्षण दिले जाणार आहे. यासाठी क्रीडा शिक्षक अण्णा वाकडे, धनंजय यादव, श्रीकांत काळुंगे, अमित जावळे, अण्णा मेटकरी, चित्रकला शिक्षक निवृत्ती शिवशरण, समरीन मुजावर, आलिया कादरी, राधा भगत, वर्षा सपकाळ, यतीराज वाकळे, राजू पवार व इतर तज्ञ शिक्षक मार्गदर्शन करणार आहेत. या शिबिराचे प्रमुख म्हणून लता ओमने व बालाजी शिंदे काम पाहणार आहेत.
शनिवार दिनांक १३ एप्रिल रोजी सकाळी ९ वाजता या छंद वर्गाची सुरुवात होणार आहे. या छंद वर्गासाठी इंग्लिश स्कूल मंगळवेढा चे प्राचार्य रवींद्र काशीद, उपप्राचार्य तेजस्विनी कदम, उपमुख्याध्यापक सुनील नागणे, पर्यवेक्षक राजू काझी, दिलीप चंदनशिवे, सुहास माने आदींनी या प्रशिक्षण वर्गाचे नेटके नियोजन व व्यवस्थापन केले आहे.
या उन्हाळी छंद वर्गामध्ये जास्तीत जास्त विद्यार्थ्यांनी सहभागी व्हावे व छंद वर्गासाठी आपली नाव नोंदणी अण्णा वाकडे मोबाईल नंबर ७०२८८३५४८२, समरीन मुजावर मोबाईल नंबर ७३८५९८४८१८, आलिया कादरी मोबाईल नंबर ९५२७०६००५६ यांचेकडे करावी यांचे असे आवाहन प्रशालेच्या वतीने करण्यात आले आहे.
