टीम लोकमन पंढरपूर |
एस के एन सिंहगड कॉलेज ऑफ इंजीनियरिंग कोर्टी पंढरपूर येथे शनिवार दिनांक 29 मार्च 2025 रोजी आदित्य 2K25 या कार्यक्रमांतर्गत सोलार सायकल स्पर्धा संपन्न झाल्याची माहिती महाविद्यालयाचे प्राचार्य डॉ. कैलाश करांडे यांनी दिली.
यामध्ये विद्यार्थ्यांनी सोलर सायकलचा सहभाग नोंदवून स्पर्धेत भाग घेतला. सोलर सायकल हा शाश्वत विकासाचा एक भाग आहे व या सायकल पर्यावरणाच्या संवर्धनासाठी उपयोगी पडतात. या स्पर्धेमध्ये विद्यार्थ्यांनी आपली सायकल काही वेगळ्या आकारांमध्ये डिझाईन करून सहभाग नोंदवला. स्पर्धेसाठी पंढरपुरातील नामांकित उद्योजक श्री ओमकार संतांनी (ओमा सायकल) यांनी स्पॉन्सरशिप रुपी सहभाग नोंदवला.
हा कार्यक्रम महाविद्यालयातील आय. आय. सी. व इनक्युबॅशन सेंटर यांच्यामार्फत आयोजित करण्यात आला होता. उपप्राचार्य डॉ. स्वानंद कुलकर्णी, इनक्यूबॅशन मॅनेजर डॉ. अतुल आराध्ये, किशोर जाधव, धनंजय गिराम, रमेश येवले, अनिता शिंदे, मिलिंद तोंडसे, विद्यार्थी प्रतिनिधी मयुरेश म्हमाने तसेच महाविद्यालयातील इतर शिक्षक, शिक्षकेतर कर्मचारी यांनी विशेष परिश्रम घेतले.
