टीम लोकमन मंगळवेढा |
पुणे येथे माणुसकीला काळीमा फासणारी घटना उघडकीस आली आहे. सासऱ्यानेच सुनेसोबत अतिप्रसंग करण्याचा प्रयत्न केला आहे. सुनेला मूल होत नसल्यामुळे सासऱ्यांनी (निवृत्त सहाय्यक पोलीस आयुक्त) सुनेला अपत्य होण्यासाठी मदत करणार असल्याचे सांगितले. सुनेने थेट पोलीस ठाणे गाठत निवृत्त पोलीस अधिकारी असलेल्या सासऱ्याविरोधात तक्रार दाखल केली आहे. या घटनेनंतर परिसरात खळबळ उडाली आहे.
पुणे येथील सहकार नगर परिसरातून ही धक्कादायक घटना समोर आली आहे. 30 वर्षीय विवाहित महिलेचे 35 वर्षीय तरूणासोबत लग्न झाले होते. महिनाभरापूर्वीच त्यांचा विवाह झाला होता. मात्र दोघांना अपत्य होत नव्हते. महिला गरोदर राहत नव्हती. तरूण मूल होण्यासाठी सक्षम नसल्याबद्दल कुटुंबियांना माहित होते. तरीही पीडित महिलेचे त्या पुरूषासोबत लग्न लावून दिले. मात्र यानंतर सासऱ्याची नियत फिरली. सासरा हा निवृत्त सहाय्यक पोलिस आयुक्त असल्याची माहिती आहे. लग्नानंतर सासरे सुनेच्या खोलीत गेले आणि सुनेला, ‘मुलाकडून तुला अपत्य होणं शक्य नाही. माझ्याकडूनच या गोष्टी कराव्या लागतील. माझ्यासोबत शारीरिक संबंध ठेव’, असे त्यांनी सांगितले.
या गोष्टीला सुनेने नकार दिला. नंतर सासऱ्याच्या तावडीतून स्वत:ची सुटका करून घेतली आणि पीडित महिलेने थेट पोलीस ठाणे गाठले. पोलिसांसमोर आपबिती सांगितली. याप्रकरणी पोलिसांनी निवृत्त सहाय्यक पोलीस आयुक्त यांचेसह त्यांची पत्नी आणि पीडितेच्या पतीविरोधात सहकार पोलीस ठाण्यात गुन्हा दाखल केला आहे.
