टीम लोकमन मंगळवेढा |
राज्यातील वरिष्ठ आयपीएस अधिकारी नवल बजाज यांची महाराष्ट्र दहशतवादविरोधी पथक अर्थात एटीएस प्रमुख म्हणून नियुक्ती करण्यात आली आहे. गेल्या काही काळापासून नवल बजाज हे नियुक्तीच्या प्रतिक्षेतच होते. अखेर आज त्यांची एटीएस प्रमुखपदी नियुक्ती करण्यात आली आहे.
नवल बजाज हे सन १९९५ बॅचचे आयपीएस अधिकारी आहेत. मुंबईत अनेक महत्वाच्या जबाबदाऱ्या त्यांनी सांभाळलेल्या आहेत. सध्या ते अतिरिक्त पोलीस महासंचालक म्हणून कार्यरत आहेत. येत्या काही काळात ते सेवानिवृत्त होणार आहेत. लोकसभा निवडणुकीची आचारसंहिता लागू असल्याने त्यांची नियुक्ती रखडली होती. पण अखेर त्यांची एटीएसच्या प्रमुखपदी नियुक्ती करण्यात आली आहे.
