टीम लोकमन मंगळवेढा |
स्व.महादेवराव बाबुराव आवताडे प्रतिष्ठानच्या वतीने इयत्ता १० वी व १२ वी बोर्ड परीक्षेत घवघवीत यश संपादन करत प्रथम, द्वितीय व तृतीय क्रमांक प्राप्त करणाऱ्या मंगळवेढा तालुक्यातील गुणवंतांचा सन्मान सोहळा आमदार समाधान आवताडे यांच्या प्रमुख उपस्थितीमध्ये गुरुवार दिनांक १३ जून रोजी दुपारी १.१५ वाजता जोगेश्वरी मंगल कार्यालय मंगळवेढा येथे आयोजित करण्यात आला आहे.
मंगळवेढा तालुक्यातील गुणवंतांच्या या सन्मान सोहळ्यासाठी माजी अतिरिक्त मुख्य कार्यकारी अधिकारी तथा सुप्रसिद्ध व्याख्याते डॉ. इंद्रजीत देशमुख हे उपस्थित राहून गुणवंत विद्यार्थ्यांना आणि पालकांना मार्गदर्शन करणार आहेत. तसेच या कार्यक्रमासाठी प्रमुख पाहुणे म्हणून मंगळवेढ्याचे उपविभागीय अधिकारी तथा प्रांताधिकारी बी. आर. माळी, उपविभागीय पोलीस अधिकारी विक्रांत गायकवाड, पोलीस निरीक्षक रणजित माने, तहसीलदार मदन जाधव, माध्यमिक शिक्षणाधिकारी सचिन जगताप, प्राथमिक शिक्षणाधिकारी कादर शेख, मंगळवेढा नगरपरिषदेचे मुख्याधिकारी चरण कोल्हे, मंगळवेढा पंचायत समिती गटविकास अधिकारी योगेश कदम, मंगळवेढ्याचे प्रभारी गटशिक्षणधिकारी बिभिषण रणदिवे आदी मान्यवर उपस्थित राहणार आहेत.
गेल्या अनेक वर्षांपासून मतदारसंघातील सामाजिक, सांप्रदायिक, शैक्षणिक व सांस्कृतिक कार्यक्रमांच्या माध्यमातून या प्रतिष्ठानने अनेक कार्यक्रम राबवून सामाजिक बांधिलकी जपण्याचा प्रयत्न केला आहे. गुणवंत विद्यार्थ्यांना प्रतिष्ठानच्या वतीने शैक्षणिक साहित्य, प्रशस्तीपत्रक व ट्रॉफी अशा स्वरूपामध्ये सन्मानित केले जाणार आहे.
मंगळवेढा तालुक्यातील या गुणवंताच्या सन्मान सोहळ्यासाठी तालुक्यातील सर्वच शाळा, कॉलेज, संस्था पदाधिकारी, प्राचार्य मुख्याध्यापक, पर्यवेक्षक, शिक्षक, गुणवंत विद्यार्थ्यांनी व पालकांनी उपस्थित रहावे असे आवाहन स्व.महादेवराव बाबुराव आवताडे प्रतिष्ठानच्या वतीने करण्यात आले आहे.
