टीम लोकमन पंढरपूर |
एस के एन सिंहगड कॉलेज ऑफ इंजीनियरिंग कोर्टी, पंढरपूर व पुण्यश्लोक अहिल्यादेवी होळकर सोलापूर विद्यापीठ, सोलापूर यांच्या संयुक्त विद्यमाने राष्ट्रीय सेवा योजनेअंतर्गत दिनांक 10 फेब्रुवारी 2025 ते 16 फेब्रुवारी 2025 या सप्ताहात खेडभाळवणी ता.पंढरपूर येथे विशेष श्रमसंस्काराचे आयोजन करण्यात आले आहे.
या शिबीराचे उदघाटन पुण्यश्लोक अहिल्यादेवी होळकर सोलापूर विद्यापीठाचे विभागीय समन्वयक डॉ. संजय मुजमुले यांचेहस्ते करण्यात आले. या कार्यक्रमास महाविद्यालयाचे प्राचार्य डॉ. कैलाश करांडे, उपप्राचार्य डॉ. एस. जी. कुलकर्णी, एन.एस.एस. चे कार्यक्रम अधिकारी प्रा.चंद्रकांत देशमुख, प्रा.सुमित इंगोले, प्रा. मासाळ, प्रा.अजित करांडे, प्रा. गुरुराज इनामदार तसेच खेडभाळवणीचे सरपंच डॉ. संतोष साळुंखे उपस्थित होते.
राष्ट्रीय सेवा योजनेअंतर्गत श्रमसंस्कार शिबीरामध्ये दिनांक 10 फेब्रुवारी 2025 ते 16 फेब्रुवारी 2025 या कालावधीमध्ये डोळयाचे शिबीर, दंतचिकित्सा शिबीर, ग्रामस्वच्छता अभियान, महिला आरोग्य शिबीर आणि दुपारच्या सत्रात विविध विषयावर मान्यवर वक्त्यांचे व्याख्यान आयोजित केले असल्याची माहिती कार्यक्रम अधिकारी प्रा.चंद्रकांत देशमुख यांनी सांगीतली.
हा कार्यक्रम यशस्वी करण्यासाठी सिंहगड कॉलेजचे प्राचार्य डॉ. कैलाश करांडे व राष्ट्रीय सेवा योजना कार्यक्रमअधिकारी प्रा. चंद्रकांत देशमुख, प्रा. सिद्धेश्वर गंगोंडा, प्रा.सुमित इंगोले, प्रा.मासाळ, प्रा.अजित करांडे, प्रा. गुरुराज इनामदार व एन एस एसचे प्रेसिडेंट अथर्व कुराडे, सेक्रेटरी किशोर नरळे, नाना वाघमारे, सत्यम कापले, प्राप्ती रुपनर, तेजस्वी खांडेकर, अनुप नायकल, चेतन मासाळ, वैष्णवी पडगळ, आकांशा कवडे, सुमित अवताडे, आकाश चौगुले, प्राजक्ता डोंगरे यांनी परिश्रम घेतले.
