टीम लोकमन पंढरपूर |
दिनांक 5 व 6 एप्रिल 2025 रोजी सिंहगड अभियांत्रिकी महाविद्यालय पंढरपूर येथे रोटरी डिस्ट्रिक्ट 3132 च्या वतीने DTLS म्हणजेच डिस्ट्रिक्ट टीम लर्निंग सेमिनार चे आयोजन करण्यात आले होते. या कार्यक्रमासाठी प्रमुख पाहुणे म्हणून रोटरीचे माजी आर आय डायरेक्टर रो. डॉ. महेश कोटबागी, उमरगा विधानसभा मतदारसंघाचे आमदार रो. प्रवीण स्वामी हे उपस्थित होते. अशी माहिती रोटरी डिस्ट्रिक्ट 3132 चे 2025-26 चे डिस्ट्रिक्ट गव्हर्नर रो. सुधीर लातूरे यांनी दिली.
या कार्यक्रमात बोलताना रो. डॉ. महेश कोटबागी यांनी रोटरीचे जगभरातले काम व भारतातले काम आणि त्यामुळे समाजात होणारा सकारात्मक बदल याविषयी भाष्य केले. रोटरीमुळे अगदी सामान्य माणसाच्या आयुष्यामध्ये जो बदल अपेक्षित आहे त्यासाठी प्रत्येक रोटेरियन यांनी मनापासून काम करणे अपेक्षित आहे अशी अपेक्षा त्यांनी व्यक्त केली. भारतातील रोटरी ही जगाच्या नकाशावर अगदी ठळकपणे सर्व रोटेरियन कामातून दिसत आहे व रोटरीने जगाच्या पोलिओ निर्मूलनामध्ये जे योगदान दिले आहे ते इतिहासामध्ये अगदी ठळकपणे अधोरेखित झाले आहे असेही त्यांनी सांगितले.
या कार्यक्रमांमध्ये प्रमुख पाहुणे उमरगा विधानसभा मतदारसंघाचे आमदार रो. प्रवीण स्वामी यांनी सांगितले की, गेल्या वीस वर्षापासून रोटरीच्या माध्यमातून जे सामान्य माणसांचे प्रश्न मी सातत्याने सोडवत गेलो त्यामुळे एका सामान्य शिक्षकाला रोटरीच्या सामाजिक कार्यामुळे महाराष्ट्राच्या विधानसभेत आमदार म्हणून जाता आले ही रोटरीच्या सामाजिक कार्याची ताकद आहे.
DGE रो. सुधीर लातूरे यांनी उपस्थित सर्वांना मार्गदर्शन करताना पुढील वर्षी रोटरीच्या माध्यमातून जे उपक्रम राबवले जाणार आहेत त्याची माहिती दिली व उपस्थित सर्व रोटेरियन यांना समाजातील मूलभूत प्रश्नावरती काम करण्याचे आवाहन केले.
या कार्यक्रमासाठी PDG रो. डॉ. राजीव प्रधान, रो. इस्माईल पटेल, रो. जुबीन अमारिया, रो. किशोर पावडे, रो. शिरीष रायते, रो. मोहन देशपांडे, रो. डॉ. दीपक पोफळे, रो. हरिष मोटवानी, रो. डॉ. ओमप्रकाश मोतीपावळे, IPDG रो. स्वाती हेरकल, डिस्ट्रिक्ट गव्हर्नर डॉ. सुरेश साबू, DGN रो. जयेश पटेल हे उपस्थित होते. या सर्वांनी वेगवेगळ्या सत्रांच्या मार्फत उपस्थित सर्व रोटेरीयन्स यांचे वेगवेगळ्या विषयावरती सखोल मार्गदर्शन केले.
हा कार्यक्रम रोटरी क्लब पंढरपूर यांच्या वतीने आयोजित केला होता. या कार्यक्रमासाठी रो. डॉ. कैलाश करांडे यांनी कन्व्हेनर म्हणून काम पाहिले. रो. लितेश शहा यांनी फोरम लीडर म्हणून काम पाहिले.
रोटरी क्लब पंढरपूरचे अध्यक्ष रो. सोमेश गानमोटे यांच्यासह पंढरपूर रोटरी क्लबचे सर्व सदस्यांनी हा कार्यक्रम यशस्वी होण्यासाठी परिश्रम घेतले. रो. नितीन कुदळे, रो. रवींद्र बनकर, रो. हमीद शेख, रो. यशवंत हांडे, रो. प्रसाद वरद, रो. विशाल जैन या सर्वांनी या कार्यक्रमाच्या यशस्वीतेसाठी सहकार्य केले.
