टीम लोकमन मंगळवेढा |
रोटरी क्लब ऑफ मंगळवेढा सिटी, इनरव्हील क्लब मंगळवेढा व मंगळवेढा मल्टीस्पेशालिटी हॉस्पिटल यांचेवतीने महिलांसाठी आरोग्य मार्गदर्शन व मोफत हिमोग्लोबिन तपासणी शिबिराचे आयोजन करण्यात आल्याची माहिती रोटरी क्लब ऑफ मंगळवेढा सिटीचे प्रेसिडेंट अभिजीत बने यांनी दिली.
बुधवार दिनांक 13 ऑगस्ट 2025 रोजी दुपारी 2 वाजता मंगळवेढा शहरातील बोराळे नाका येथील मंगळवेढा मल्टीस्पेशालिटी हॉस्पिटलच्या वातानुकूलित हॉलमध्ये होणाऱ्या या कार्यक्रमासाठी प्रमुख मार्गदर्शिका म्हणून पंढरपूर अर्बन को-ऑपरेटिव्ह बँकेच्या संचालिका डॉ. संगीता पाटील उपस्थित राहणार आहेत. या कार्यक्रमाचे उद्घाटन मंगळवेढा ग्रामीण रुग्णालयाच्या वैद्यकीय अधीक्षक डॉ. सुलोचना जानकर यांचेहस्ते होणार असून श्री संत दामाजी मेडिकल फाउंडेशनच्या अध्यक्षा व सुप्रसिद्ध स्त्रीरोग तज्ञ डॉ. पुष्पांजली शिंदे या कार्यक्रमाचे अध्यक्षस्थान भूषविणार आहेत.
महिलांसाठीच्या या मोफत आरोग्य मार्गदर्शन शिबिरामध्ये महिलांना आरोग्य विषयक मार्गदर्शन करण्यात येणार असून महिलांच्या आरोग्यविषयक विविध प्रश्नांना डॉ. सुलोचना जानकर, डॉ. पुष्पांजली शिंदे, डॉ. स्मिता नडगेरी व डॉ. संगीता पाटील या नामवंत स्त्रीरोग तज्ञ उत्तरे देणार असून महिलांशी संवाद साधणार आहेत. तसेच या कार्यक्रमात महिलांची मोफत हिमोग्लोबिन तपासणी रक्तातील साखरेचे प्रमाण तपासणी व ब्लड प्रेशर तपासणी मोफत करण्यात येणार असल्याचे रोटरी क्लब ऑफ मंगळवेढा सिटीच्या संचालिका व या प्रकल्पाच्या प्रकल्प प्रमुख डॉ. स्मिता नडगेरी यांनी सांगितले.
या कार्यक्रमासाठी मंगळवेढा शहर व परिसरातील जास्तीत जास्त महिलांनी मोठ्या संख्येने उपस्थित रहावे असे आवाहन रोटरी क्लब ऑफ मंगळवेढा सिटीचे सेक्रेटरी कुलदीप रजपूत, इनरव्हील क्लबच्या प्रेसिडेंट हेमलता नकाते, सेक्रेटरी लीना विग, या प्रकल्पाच्या सह प्रकल्प प्रमुख अबोली बने, डॉ. श्वेता होलेपाटील, करुणा शिवशरण, श्रद्धा रत्नपारखी, सुनीता औताडे, प्रियांका शेजाळ, राखी जाधव, शितल खंडागळे, अश्विनी रजपूत यांनी केले आहे.
या कार्यक्रमाच्या यशस्वीतेसाठी गीता घाडगे, प्रियांका मर्दा, डॉ. आसावरी घोडके, डॉ. मेघा महिंद्रकर, प्रफुल्लता स्वामी, महानंदा स्वामी, तसनीम मुल्ला, रेणुका पाटील, रूपाली इंगळे, दिपाली पवार, शितल खंडागळे, डॉ. आरती हिंगमिरे, डॉ. पुजा आवळेकर, डॉ. प्रतीक्षा गायकवाड, डॉ. ऋतुजा स्वामी, डॉ. धनश्री रायबान, डॉ. साक्षी यादव यांचेसह रोटरी क्लब ऑफ मंगळवेढा सिटी, इनरव्हील क्लब मंगळवेढा यांचे सर्व सदस्य तसेच मंगळवेढा मल्टीस्पेशालिटी हॉस्पिटलचे व्यवस्थापक सोमनाथ इंगळे, संतोष कोळसे, सोमनाथ हेगडे, नितीन घाटूळे यांचेसह हॉस्पिटलचा सर्व स्टाफ प्रयत्नशील आहेत.
