टीम लोकमन मंगळवेढा |
रोटरी क्लब ऑफ मंगळवेढा सिटी व मंगळवेढा मल्टीस्पेशालिटी हॉस्पिटल यांच्या संयुक्त विद्यमाने सोमवार दिनांक 27 जानेवारी 2025 रोजी मोफत आरोग्य तपासणी शिबिर आयोजित करण्यात आल्याची माहिती मंगळवेढा मल्टीस्पेशालिटी हॉस्पिटलच्या चेअरमन डॉ. पुष्पांजली शिंदे व रोटरी क्लब ऑफ मंगळवेढा सिटीचे प्रेसिडेंट रो. अमोल रत्नपारखी यांनी दिली.
रोटरी क्लब ऑफ मंगळवेढा सिटी व मंगळवेढा मल्टीस्पेशालिटी हॉस्पिटल यांचेवतीने सोमवार दिनांक 27 जानेवारी 2025 रोजी सकाळी 10 ते दुपारी 2 या वेळेत हे शिबिर मंगळवेढा मल्टीस्पेशालिटी हॉस्पिटल विजापूर रोड, बोराळे नाका, मंगळवेढा येथे संपन्न होत असून या शिबिरात ब्लड शुगर, ईसीजी, हाडांची ठिसूळता तपासणी व गरजेनुसार इतर काही तपासण्या मोफत करण्यात येणार आहेत.
या मोफत आरोग्य तपासणी शिबिरामध्ये जनरल सर्जन व पोटविकार तज्ञ डॉ. अरविंद गिराम, कन्सल्टींग फिजिशियन व इंटेन्सिव्हिस्ट डॉ. विलास तोंडे-पाटील, कॅन्सर तज्ञ डॉ. अमित इनामदार, कन्सल्टींग फिजिशियन व इंटेन्सिव्हिस्ट डॉ. मनीष बसंतवाणी, अस्थिरोग तज्ञ डॉ. अरुणकुमार महिंद्रकर, दमा टीबी व फुफ्फुसरोग तज्ञ डॉ. शर्वाणी काणे, बालरोग व नवजात शिशु तज्ञ डॉ. महेश कोनळळी, स्त्रीरोग व प्रसूतीशास्त्र तज्ञ डॉ. पुष्पांजली शिंदे, कान नाक घसा तज्ञ डॉ. दिपेंद्र हुली, त्वचारोग कॉस्मेटोलॉजिस्ट व लेसर तज्ञ डॉ श्वेता होले-पाटील हे तज्ञ डॉक्टर उपस्थित राहून रुग्णांची मोफत तपासणी करणार आहेत.
रोटरी क्लब ऑफ मंगळवेढा सिटी व मंगळवेढा मल्टीस्पेशालिटी हॉस्पिटल यांचे संयुक्त विद्यमाने आयोजित करण्यात आलेल्या मोफत आरोग्य तपासणी शिबिराचा जास्तीत जास्त रुग्णांनी लाभ घ्यावा असे आवाहन रोटरी क्लब ऑफ मंगळवेढा सिटीचे सेक्रेटरी रो. अभिजीत बने, प्रोजेक्ट चेअरमन डॉ. अरुणकुमार महिंद्रकर, मंगळवेढा मल्टीस्पेशालिटी हॉस्पिटलचे मुख्य लेखाधिकारी सोमनाथ इंगळे, संतोष कोळसे-पाटील यांनी केले आहे.
