टीम लोकमन मरवडे |
मरवडे ता. मंगळवेढा येथील सेवानिवृत्त माध्यमिक शिक्षक रमेश बापूजी कुलकर्णी यांचे नुकतेच वृद्धापकाळाने निधन झाले. मृत्यूसमयी ते ७० वर्षांचे होते. माध्यमिक आश्रमशाळा व ज्युनिअर कॉलेज बालाजीनगर ता. मंगळवेढा येथील प्राध्यापक सचिन कुलकर्णी यांचे ते चुलते होत.
मरवडे ता. मंगळवेढा येथील रहिवासी असलेले रमेश बापूजी कुलकर्णी हे माध्यमिक शिक्षक म्हणून 28 वर्ष शैक्षणिक सेवा करून सेवानिवृत्त झाले होते. त्यांनी हुलजंती आणि उटगी येथे शैक्षणिक सेवा केली. इंग्रजी विषयाचे उत्तम शिक्षक म्हणून त्यांची ख्याती होती. इंग्रजी भाषा सोप्या पद्धतीने शिकवण्यामध्ये त्यांचा हातखंडा होता. ते विद्यार्थीप्रिय शिक्षक होते.
मरवडे येथील स्मशानभूमीत त्यांच्यावर अंत्यसंस्कार करण्यात आले. यावेळी शैक्षणिक, सामाजिक, राजकीय क्षेत्रासह मरवडे परिसरातील नागरिक मोठ्या संख्येने उपस्थित होते. त्यांच्या पश्चात पत्नी, एक मुलगा, दोन मुली व नातवंडे असा परिवार आहे. राज्याचे माजी शिक्षण सहसंचालक सुरेश कुलकर्णी व आदर्श शिक्षक पांडुरंग कुलकर्णी उर्फ बबन गुरुजी यांचे ते बंधू होत.











