टीम लोकमन मंगळवेढा |
मंगळवेढा तालुक्यातील मोठ्या ग्रामपंचायतींपैकी एक असलेल्या व तालुक्यातील महत्त्वाची ग्रामपंचायत म्हणून ओळख असलेल्या मरवडे ग्रामपंचायतीमध्ये गावविकास आघाडीची 2021 मध्ये सत्ता आल्यानंतर सर्वांना सोबत घेऊन विकास कामांचे योग्य नियोजन करून गेल्या साडेतीन वर्षामध्ये सर्वांच्या सहकार्याने विविध माध्यमातून निधी खेचून आणून जवळपास 6 कोटी रुपयांची विकासकामे पूर्णत्वास आली आहेत.
सदर कामे पूर्ण होत असताना गावविकास आघाडीचे प्रमुख, विविध पदाधिकारी तसेच ग्रामपंचायत सदस्य यांच्या प्रमुख उपस्थितीत आज मरवडे ग्रामपंचायत कार्यालयात विकास कामाचा अहवाल प्रकाशित करण्यात आला तसेच मरवडे गावातील सर्व नागरिकांना दीपावली निमित्त शुभेच्छाही देण्यात आल्या.
यावेळी गावविकास आघाडीचे मार्गदर्शक व राष्ट्रवादी काँग्रेसचे प्रदेश सरचिटणीस लतिफभाई तांबोळी, मरवडे विकास सोसायटीचे माजी चेअरमन नामदेव बापू घुले, गावविकास आघाडीचे अध्यक्ष दत्तात्रय गणपाटील, उपाध्यक्ष संदीप सुर्यवंशी, भारतीय जनता पार्टीचे युवा नेते श्रीकांत गणपाटील, राष्ट्रवादी काँग्रेस पार्टीचे जिल्हा उपाध्यक्ष सचिन घुले, तंटामुक्त समितीचे अध्यक्ष सिध्देश्वर सुर्यवंशी, मरवडे नगरीच्या सरपंच अंजना चौधरी, उपसरपंच दीक्षा शिवशरण, सदस्या मीनाक्षी सुर्यवंशी, रेश्मा शिवशरण, पुनम मासाळ, सदस्य नितीन उर्फ सचिन घुले, संजयकुमार पवार, मीराताई जाधव, दिपाली ऐवळे, मालन मणेरी, अशोक जाधव, मरवडे ग्रामपंचायतीच्या ग्रामपंचायत अधिकारी राखी सुनील जाधव, ग्रामपंचायतचे सर्व कर्मचारी व ग्रामस्थ उपस्थित होते.
