टीम लोकमन मंगळवेढा |
रोटरी क्लब ऑफ मंगळवेढा सिटी यांचेवतीने घेण्यात आलेल्या स्पीच कॉम्पिटिशनचा पारितोषिक वितरण समारंभ शुक्रवार दिनांक 7 नोव्हेंबर 2025 रोजी आयोजित करण्यात आल्याची माहिती रोटरी क्लब ऑफ मंगळवेढा सिटीचे प्रेसिडेंट अभिजीत बने यांनी दिली.
रोटरी क्लब ऑफ मंगळवेढा सिटी यांचेवतीने गेल्या काही दिवसांपूर्वी उदयसिंह मोहिते पाटील इंग्लिश मीडियम स्कूल मंगळवेढा येथे इंग्रजी माध्यमाच्या मुलांसाठी इंग्लिश स्पीच कॉम्पिटिशन घेण्यात आल्या होत्या. त्याचा पारितोषिक वितरण समारंभ शुक्रवार दिनांक 7 नोव्हेंबर 2025 रोजी सकाळी 9 वाजता उदयसिंह मोहिते पाटील इंग्लिश मीडियम स्कूल मंगळवेढा येथे संपन्न होणार आहे.
इंग्रजी माध्यमाच्या या स्पीच कॉम्पिटिशनचा पारितोषिक वितरण समारंभ सोलापूर जिल्ह्यातील नामवंत उद्योजक व एलकेपी मल्टीस्टेट को-ऑपरेटिव्ह क्रेडिट सोसायटीचे चेअरमन अनिलभाऊ इंगवले यांचे शुभहस्ते व पंढरपूर येथील सिंहगड अभियांत्रिकी महाविद्यालयाचे प्राचार्य तसेच रोटरी इंटरनॅशनल डिस्ट्रिक्ट 3132 चे असिस्टंट गव्हर्नर प्राचार्य डॉ. कैलाश करांडे यांचे अध्यक्षतेखाली संपन्न होणार आहे. या कार्यक्रमासाठी प्रमुख पाहुणे म्हणून उद्योजक व मंगळवेढा कृषी उत्पन्न बाजार समितीचे सभापती इंजिनिअर सुशील आवताडे, राजपत्रित वैद्यकीय अधिकारी पतसंस्थेचे चेअरमन डॉ. नंदकुमार शिंदे, उदयसिंह मोहिते पाटील इंग्लिश मीडियम स्कूलचे प्राचार्य सुधीर पवार आदी मान्यवर उपस्थित राहणार आहेत.
या स्पीच कॉम्पिटिशनचे प्रायोजक मंगळवेढा येथील अबोली बने यांचे लाईफस्टाईल ब्युटी पार्लर असून दिलीप घाडगे यांचे श्री बालाजी ज्वेलर्स मंगळवेढा व सतीश मर्दा यांचे बालाजी मेडिकल अँड जनरल स्टोअर्स मंगळवेढा हे सहप्रयोजक आहेत. रोटरी क्लब ऑफ मंगळवेढा सिटी यांचेवतीने या स्पीच कॉम्पिटिशनचे प्रोजेक्ट चेअरमन म्हणून क्लबचे ट्रेझरर उमेश मर्दा यांनी अतिशय यशस्वी व उत्तमरीत्या जबाबदारी सांभाळली आहे. या कार्यक्रमासाठी शिक्षणप्रेमी नागरिकांनी उपस्थित रहावे असे आवाहन रोटरी क्लब ऑफ मंगळवेढा सिटीचे सेक्रेटरी कुलदीप रजपूत यांनी केले आहे.
