टीम लोकमन मंगळवेढा |
ओबीसी नेते लक्ष्मण हाके यांच्या आंदोलनाचा आज सातवा दिवस आहे. दरम्यान हाकेंची प्रकृती पुन्हा खालावली आहे. उच्च रक्तदाबामुळे त्यांना हृदयविकाराचा धोका उद्भवू शकतो अशी भीती डॉक्टरांनी व्यक्त केली आहे.
त्यामुळे त्यांना तातडीने उपचार घेण्याची गरज असल्याचे मत डॉक्टरांनी व्यक्त केले आहे. मात्र हाकेंनी उपचार घेण्यास नकार दिला आहे. ओबीसी नेते लक्ष्मण हाकेंच्या आंदोलनाचा आजचा सातवा दिवस आहे. राज्य विधानसभेचे विरोधी पक्षनेते विजय वडेट्टीवार, जितेंद्र आव्हाड भेट घेणार आहेत. वंचितचे नेते प्रकाश आंबेडकरही उद्या भेट घेणार आहेत.
लक्ष्मण हाके यांची प्रकृती खालावत आहे. गेल्या तीन दिवसापासून ब्लडप्रेशर वाढत असल्याने त्यांना हृदयविकार किंवा पक्षघाताचा धोका उद्भवू शकतो अशी माहिती डॉक्टरांना दिली आहे. त्यामुळे त्यांना तातडीने उपचाराची गरज असल्याचे देखील डॉक्टरांचे म्हणणे आहे. आजही त्यांनी उपचार घेण्यास नकार दिला आहे. जवळपास 178 हाय ब्लड प्रेशर असल्याची माहिती डॉक्टरांनी दिली आहे. लक्ष्मण हाके यांचे वजन वेगाने घटक असून त्यांचे 83 किलो असलेले वजन आज 75 किलो झाले आहे.
शासनाने आतापर्यंत आंदोलनाची दाखल घ्यायला हवी होती : लक्ष्मण हाके
लक्ष्मण हाके म्हणाले, राज्य शासनाने आतापर्यंत दाखल घ्यायला हवी होती. आम्ही मोठे बॅकग्राऊंड असलेले कार्यकर्ते नाहीत. आम्ही कुठलाही राजकीय चेहरा नसलेले कार्यकर्ते आहोत म्हणून शासनाला आमची दखल घेऊ वाटत नाही. आमची दखल नका घेऊ. पण व्हीजेएनटी, ओबीसींची बाजू काय आहे हे तरी समजून घ्या. फुले, शाहू, आंबेडकरांच्या महाराष्ट्रामध्ये ओबीसी कायमच फेसलेस राहिला आहे.
