टीम लोकमन मंगळवेढा |
नवीन राष्ट्रीय शैक्षणिक धोरण विद्यार्थ्यांच्या कौशल्यांना विकसित करण्यास उपयुक्त ठरेल अशा प्रकारे अभ्यासक्रमाची मांडणी करण्यात आली आहे त्यामुळे भविष्यात विद्यार्थ्यांच्या कौशल्यांना अधिक वाव मिळेल असे प्रतिपादन उपकुलसचिव डॉ. शिवाजी शिंदे यांनी केले.
स्व. दलितमित्र कदम गुरुजी यांच्या पुण्यतिथी निमित्त मंगळवेढा महोत्सवात गुरुवारी झालेल्या नवीन शैक्षणिक धोरणातील आव्हाने या विषयावर आयोजित परिसंवादामध्ये ते बोलत होते. यावेळी व्यासपीठावर शिक्षण प्रसारक मंडळाचे अध्यक्ष ॲड. सुजित कदम, उपाध्यक्ष डॉ. सुभाष कदम, सहसचिव श्रीधर भोसले, संचालिका तेजस्विनी कदम, यतीराज वाकळे, ॲड. शिवाजी पाटील प्राचार्य रवींद्र काशीद यांचेसह संस्थेचे पदाधिकारी उपस्थित होते.
यावेळी पुढे बोलताना डॉ. शिंदे म्हणाले, सध्याच्या शैक्षणिक धोरणानुसार भविष्यातील आव्हाने मोठी असून त्याचा मुकाबला करण्यासाठी शासनाने नवे शैक्षणिक धोरण आखले आहे वेगवेगळ्या स्तरावर विद्यार्थ्यांचा सर्वांगीण विकास होण्यासाठी या नव्या शैक्षणिक धोरणाचा निश्चित उपयोग होणार असून पालक विद्यार्थी शिक्षक या समाजातील शैक्षणिक क्षेत्रामध्ये सक्रिय असणाऱ्या लोकांच्या सहभागातून नवे शैक्षणिक धोरण अमलात आणले जाईल यासाठी शासन स्तरावर योग्य ती प्रक्रिया सुरू आहे भविष्यातील उच्च शिक्षणाच्या संधी तसेच वैद्यकीय शिक्षण अभियांत्रिकी शिक्षण देखील मराठी मधून शिकण्याची संधी उपलब्ध करून दिली जाणार आहे शिक्षकांनी या नव्या शैक्षणिक धोरणाबद्दल सकारात्मकतेने विचार करून विद्यार्थ्यांच्या सर्वांगीण विकासासाठी प्रयत्न करावेत अशा अपेक्षा त्यांनी यावेळी बोलताना व्यक्त केली. कार्यक्रमाचे सूत्रसंचालन बालाजी शिंदे यांनी केले तर अशपाक काझी यांनी आभार मानले.
