लक्ष्मीदहिवडी : गणेश पाटील
मंगळवेढा मल्टीस्पेशालिटी हॉस्पिटल यांचेवतीने लक्ष्मीदहिवडी ता. मंगळवेढा येथे बुधवार दिनांक २६ जून रोजी मोफत हृदयरोग तपासणी शिबिर आयोजित करण्यात आल्याची माहिती मंगळवेढा मल्टीस्पेशालिटी हॉस्पिटलच्या चेअरमन व सुप्रसिद्ध स्त्रीरोग तज्ञ डॉ. सौ. पुष्पांजली शिंदे यांनी दिली.
बुधवारी सकाळी १० ते २ यावेळेत कामसिद्ध हॉस्पिटल लक्ष्मीदहिवडी याठिकाणी होणाऱ्या या शिबिरामध्ये मंगळवेढा मल्टीस्पेशालिटी हॉस्पिटलचे सुप्रसिद्ध फिजिशियन डॉ. मनीष बसंतवाणी व सोलापूर येथील सुप्रसिद्ध हृदयरोग तज्ञ डॉ. सुनील शेवाळे, सुप्रसिद्ध हृदयरोग तज्ञ डॉ. दीपक गायकवाड हे रुग्णांची मोफत तपासणी करणार आहेत.
वारंवार धाप लागणे, छातीत दुखणे, पायऱ्या चढताना दम लागणे अशी लक्षणे असणाऱ्या रुग्णांनी या शिबिरामध्ये येऊन तपासणी करून घ्यावी. या शिबिरामध्ये रँडम ब्लड शुगर, ब्लड प्रेशर, इलेक्ट्रोकार्डिओग्राम (ईसीजी) इत्यादी तपासण्या मोफत करण्यात येणार आहेत.
नामांकित अशा नागपूर येथील एम्स हॉस्पिटल मधील प्रदीर्घ अनुभव असलेले डॉ. मनीष बसंतवाणी यांनी मंगळवेढा मल्टीस्पेशालिटी हॉस्पिटल येथे रुजू झाल्यापासून अनेक हार्ट ॲटॅक आलेल्या रुग्णांचे प्राण वाचवले आहेत. अल्पावधीतच ते मंगळवेढा परिसरात लोकप्रिय झाले आहेत. ज्या रुग्णांना उच्च रक्तदाब किंवा मधुमेह असेल अशा रुग्णांच्या छातीत दुखत असेल तर त्यांनी या दुखण्याकडे दुर्लक्ष न करता तात्काळ हॉस्पिटलमध्ये येऊन तपासणी करून घ्यावी कारण अशा रुग्णांमध्ये हार्ट अटॅकची शक्यता जास्त असते.
या मोफत हृदयरोग तपासणी शिबिराचे उद्घाटन बुधवार दिनांक 26 जून रोजी सकाळी दहा वाजता मान्यवरांच्या उपस्थितीत संपन्न होणार आहे.
२६ जून रोजी सकाळी १० ते २ यावेळेत होणाऱ्या मोफत आरोग्य तपासणी शिबिराचा गरजू रुग्णांनी लाभ घ्यावा असे आवाहन मंगळवेढा मल्टीस्पेशालिटी हॉस्पिटलच्या मुख्य वैद्यकीय अधिकारी डॉ. सौ. मेघा महिंद्रकर, डॉ. करण राजपूत, व्यवस्थापक भारत शिंदे, मुख्य लेखाधिकारी सोमनाथ इंगळे, समन्वयक संतोष कोळसे, जनसंपर्क अधिकारी सोमनाथ हेगडे यांनी केले आहे.
