माडग्याळ : नेताजी खरात
उमदी तालुका जत येथे डॉक्टर डेचे औचित्य साधून लायन्स क्लब ऑफ सांगली, उमदी प्राइड आणि उमदी लॉयन्स ग्रेप्सच्या वतीने एक आगळावेगळा उपक्रम राबवीत उमदी येथील जिल्हा परिषद प्राथमिक शाळा नंबर 2 येथे मोफत आरोग्य तपासणी व औषध उपचार करण्यात आले.
आरोग्य तपासणी उमदी येथील डॉ. रवींद्र हत्तळी, डॉ. मल्लिकार्जुन म्हेत्रे व डॉ.सौ. अश्विनी म्हेत्रे, डॉ. हळदकी यांनी केली. त्याचबरोबर अमृत सातपुते व सचिन मेत्रे, सचिन वालेकर, बसवराज साबणे या सर्वांनी शाळेत उपस्थित राहून पहिली ते पाचवीच्या वर्गातील 140 विद्यार्थ्यांचे मोफत आरोग्य तपासणी करून वजन उंची व ऑक्सिजनची तपासणी करण्यात आली व औषध उपचार करण्यात आले.
उमदी येथील गोरगरीब मुलांना शिक्षणाबरोबर आरोग्याचे महत्त्व देखील पटवून दिले सर्व मुलांना आरोग्याची काळजी घेण्याबाबत मार्गदर्शन करण्यात आले. स्वच्छ राहणे आरोग्याची काळजी कशी घ्यावी याबाबत सविस्तर मार्गदर्शन डॉ. रवींद्र हत्तळी यांनी केले तसेच डॉ. मल्लिकार्जुन म्हेत्रे यांनी विद्यार्थी हा शाळेचा अलंकार आहे तो नेहमी निरोगी असला पाहिजे. तसेच पाणी व आरोग्याचे महत्व सांगितले.
तसेच सर्व डॉक्टर व शिक्षक, विद्यार्थी, पालक यांच्या उपस्थितीत वृक्षारोपणाचा कार्यक्रम घेण्यात आला. शाळेचे मुख्याध्यापक सुरेश खांडेकर, भीमाशंकर कंबार, गणेश जाधव यांनी सर्व डॉक्टरांना “राष्ट्रिय डॉक्टर डे” च्या शुभेच्छा देऊन सत्कार करण्यात आला. येथून पुढच्या काळात शाळेला आणखीन मदत करणार असल्याचे सांगण्यात आले. या कार्यक्रमाचे सूत्रसंचालन भीमाशंकर कंबार यांनी केले व आभार गणेश जाधव यांनी मानले.
