टीम लोकमन पंढरपूर |
कोर्टी ता. पंढरपूर येथील एस. के. एन. सिंहगड कॉलेज ऑफ इंजिनीअरिंगमध्ये आदित्य 2K25 या इंटरनॅशनल इव्हेंटमध्ये मटेरियल, एनर्जी अँड एव्हायर्नमेंट फॉर सस्टेनेबल डेव्हलपमेंट या विषयावर इंटरनॅशनल कॉन्फरन्स आयोजित करण्यात आली होती. ही कॉन्फरन्स मोठ्या उत्साहात संपन्न झाली असल्याची माहिती प्राचार्य डॉ. कैलाश करांडे यांनी दिली.
या कॉन्फरन्सचे उद्घाटन अमित शिरगावकर, डॉ. एस. जी. कुलकर्णी आणि डॉ. बी. बी. गोडबोले यांनी केले. या कॉन्फरन्समध्ये 41 हून अधिक विषयावर विद्यार्थी व संशोधक यांनी प्रबंधाचे सादरीकरण केले. यामधून बेस्ट पेपर अवॉर्ड व्यंकटेश राजहंस, डॉ. जे. बी. मोडक यांना “सिंथेसिस ऑफ लिग्निन बेस्ड बायोडिग्रेडेबल पॉलिमर्स फ्रॉम अँन इंडस्ट्रियल वेस्ट: ब्लॅक लिकर” या पेपरला देण्यात आला. तसेच बेस्ट सस्टेनेबल डेव्हलपमेंट इनिशिएटिव्ह अवॉर्ड संजना टाळकोकुळ, समीक्षा येडपुळ, प्रतीक्षा पाटील, पूजा बिराजदार, साक्षी कदम, विजयकुमार बिरादार यांना बायोइलेक्ट्रिसिटी फ्रॉम बॅक्टेरिया: पॉवरिंग रुरल इंडिया बाय वेस्ट या पेपरला देण्यात आला.
या शोध निबंधाचे परीक्षक म्हणून डॉ. बी. बी. गोडबोले, डॉ. बी. एस. गांधारे, प्रा. जी. डी. लकडे, प्रा. ए. ए. कांबळे, प्रा. आर. के. शिंदे यांनी काम पाहिले. ही कॉन्फरन्स यशस्वी करण्यासाठी डॉ. अतुल आराध्ये, प्रा. रमेश येवले, प्रा. अनिता शिंदे, कार्यक्रम प्रतिनिधी चैतन्य कुलकर्णी, शुभम शिंदे, कृष्णदेव गायकवाड, जयदीप देशमुख, विजय पवार, संग्राम कदम यांनी परिश्रम घेतले.
