भंडारा : काँग्रेसचे प्रदेशाध्यक्ष व विधानसभेचे माजी सभापती आमदार नाना पटोले यांच्या गाडीचा भीषण अपघात झाला आहे. प्रचार करून परतत हा अपघात झाला आहे.
मंगळवारी रात्रीच्या सुमारास प्रचार आटपून सुकळी या गावी जात असताना मागून येणाऱ्या ट्रकने त्याच्या गाडीला जोराची धडक दिली. या अपघातामध्ये गाडीच मोठ नुकसान झालं असून नाना पटोले थोडक्यात बचावले आहेत.

नाना पटोले प्रचार दौरा आटपून रात्रीच्या सुमारास परतत असताना भिलेवाडा गावाजवळ त्यांच्या गाडीला भरधाव ट्रकनं जोराची धडक दिली. हा अपघात इतका भीषण होता की नाना पटोले हे ज्या गाडीत बसले होते त्या गाडीच्या मागच्या भागाचा चक्काचूर झाला आहे. मात्र सुदैवानं या अपघातामध्ये नाना पटोले आणि गाडीतील इतर कोणालाही कोणतीही दुखापत झालेली नाही. सर्व जण सुरक्षीत आहेत.








