टीम लोकमन मंगळवेढा |
जीवन जगत असताना छोटया प्रसंगाने गर्भगळीत न होता मुलांनी जिद्दीने सामोरे जावे असे प्रतिपादन प्रसिद्ध वक्ते गणेश शिंदे यांनी व्यक्त केले ते मंगळवेढ्यात माने गल्ली येथे नव्याने सुरु होत असलेल्या बंसल क्लासेसच्या उदघाटन प्रसंगी बोलत होते. कार्यक्रमाच्या अध्यक्षस्थानी धनश्री परिवाराचे संस्थापक प्रा. शिवाजीराव काळुंगे होते. सुरवातीस बिहार राज्यातील नालंदाचे जिल्हाधिकारी श्रीकांत खांडेकर प्रा. शिवाजीराव काळुंगे, सोमनाथ आवताडे यांच्याहस्ते बंसल क्लासेसच्या इमारतीचे उदघाटन करण्यात आले.
यावेळी शिंदे म्हणाले, आज पालकांनी आपल्या मुलांना उत्तम आदर्श दाखविणे आवश्यक आहेत शिक्षणच अशी गोष्ट आहे ते प्रत्येकाचे स्वप्न पूर्ण करू शकते विद्यार्थ्यांच्या जडण घडणीची पाऊले ओळखण्यासाठी मुलाशी संवाद करता आला पाहिजे आपल्या लेकरांना मोठी स्वप्ने दाखवा बदलत्या परिस्थितीनुसार बदलता आले पाहिजे आपल्या मुलांमधील वेगळे गुण ओळखून त्यामध्येच त्याला संधी देणे गरजेचे आहे. शिक्षणाबरोबरच सामाजिक बांधीलकी जोपासणे देखील आवश्यक आहे तसेच बंसल क्लासेसच्या माध्यमातून मंगळवेढ्यातून उत्तम अधिकारी बनतील असा आशावाद ठेवून शुभेच्छा दिल्या.
यावेळी श्रीकांत खांडेकर म्हणाले, प्रत्येकाचा भविष्यकालीन दृष्टीकोन महत्वाचा आहे माझी गरिबी असताना देखील त्यातून चिकाटीने परिस्थिती बदलता येते हे मी दाखवून दिले आहे. ग्रामीण भागातील मुले ही रानफुलांसारखी असतात त्यांना पाणी मिळाले की ती गुलाबापेक्षाही चांगले बहरतील असा विश्वास त्यांनी व्यक्त करीत बंसल क्लासेससाठी आता शहरात जाण्याची आवश्यकता नसून बंसलच आपल्या दारात आले आहे. त्याचा फायदा घेऊन मुलांनी मोठे व्हावे असे सांगितले.
प्रा. शिवाजीराव काळुंगे म्हणाले, बंसल क्लासेसच्या माध्यमातून मंगळवेढ्यात गुणवत्ता वाढेल नव्या पिढीला घडविण्यासाठी बंसल क्लासेस उपयुक्त ठरतील असे सांगून सर्व बंसल परिवारास शुभेच्छा दिल्या. मंगळवेढ्यातील विद्यार्थ्यांमध्ये नीट, जेईई, एमएचटी-सीईटी यासारख्या स्पर्धात्मक परीक्षेची कौशल्ये विकसीत होण्यास राजस्थान कोटा येथील सुप्रसिद्ध बंसल क्लासेसची मदत होणार आहे.
यावेळी सर्व मान्यवरांचे गणेश पवार यांनी स्वागत केले. कार्यक्रमाची अध्यक्षीय सूचना प्रा. सुधीर कसगावडे यांनी मांडली तर अनुमोदन प्रा. दत्तात्रय माळी यांनी दिले. यावेळी अरुणाताई माळी, निलाताई आटकळे, मुख्याधिकारी चरण कोल्हे, राहुल शहा, प्रकाश गायकवाड, सिद्धेश्वर आवताडे, जयदीप रत्नपारखी, अजित जगताप, चंद्रकांत घुले, चंद्रकांत पडवळे, संजय चेळेकर, गौरीशंकर बुरकूल, प्रा. डी. के. दत्तू, विजय बुरकूल, चंद्रशेखर कोंडूभैरी, प्रवीण खवतोडे, धनंजय खवतोडे, सतिश दत्तू, प्रा. विनायक कलुबर्मे, स्वप्निल कसगावडे, अविराज आवताडे, बाळासाहेब थोरवत, प्रा. डी. के. दत्तू, सत्यजित सुरवसे, महादेव माळी, सोमनाथ माळी, उत्तम कसगावडे यांचेसह सामाजिक, शैक्षणिक, उद्योग क्षेत्रातील मोठया संख्येने मान्यवर उपस्थित होते. कार्यक्रमाचे प्रास्तविक प्रा. संतोष जायभाये यांनी केले तर संतोष मिसाळ यांनी सूत्रसंचालन करून आभार मानले.
