टीम लोकमन मंगळवेढा |
हवामान विभागाकडून काही ठिकाणी उष्णतेच्या लाटेचा इशारा देण्यात आला आहे. तर काही ठिकाणी पावसाची हजेरी पाहायला मिळणार आहे. त्यामुळे नागरिकांना उकाड्यापासून मोठा दिलासा मिळण्याची शक्यता आहे.
पालघर, ठाणे आणि मुंबईत आज उष्ण आणि दमट हवामानाचा अंदाज वर्तवण्यात आला आहे. तर रायगड आणि रत्नागिरी जिल्ह्यामध्ये उष्णतेच्या लाटेचा इशारा देण्यात आला आहे.
कोल्हापूर, सातारा, सांगली, सोलापूर, नांदेड, लातूर, धाराशिव, अकोला, अमरावती, भंडारा, बुलढाणा, गडचिरोली, गोंदिया, नागूपर, वाशिम आणि यवतमाळ या जिल्ह्यांमध्ये यलो अलर्ट देण्यात आला असून विजांच्या कडकडाटासह आणि वादळी वाऱ्यासह पावसाचा अंदाज वर्तवण्यात आला आहे.
