टीम लोकमन मंगळवेढा |
हिंगोली जिल्ह्यातील वसमत तालुक्यात एका तलाठ्याच्या डोळ्यात मिर्ची टाकून त्याची हत्या करण्यात आली आहे. व्हॉट्सॲप चॅटवरुन झालेल्या वादात मोठा राडा झाला आहे.
या वादातचं तलाठ्याला संपवण्यात आल आहे. या घटनेमुळे संपूर्ण महाराष्ट्र हादरला आहे. या प्रकरणी आरोपीला पोलिसांनी ताब्यात घेतल आहे.
तलाठी पवार यांच्या डोळ्यात मिर्चीची पूड टाकत चाकूने वार
याबाबत अधिक माहिती अशी की, हिंगोली जिल्ह्याच्या वसमत तालुक्यातील आडगाव येथील तलाठी संतोष पवार हे त्यांच्या तलाठी कार्यालयात काम करत असताना प्रताप कराळे नामक तरुणाने कार्यालयात जात व्हाट्सअप्प ग्रुपवरील मेसेजवरुन वाद सुरु केला. त्यावर तलाठी संतोष पवार यांनी मी योग्यच टाकले जे टाकले असे प्रत्युत्तर दिले. त्यानंतर प्रताप कराळे नावाच्या युवकाने तलाठी पवार यांच्या डोळ्यात थेट मिर्चीची पूड टाकत चाकूने अनेक वार केले.
सामान्य रुग्णालयात उपचारासाठी आणण्यात आले, मात्र तोपर्यंत झाला त्यांचा मृत्यू
यावेळी तिथे असलेले शिकाऊ तलाठी बालाजी डवरे यांनी कराळे यांना धरून चाकू हिसकावून घेत बाहेर नेण्याचा प्रयत्न केला. त्यानंतर कराळे याने पोबारा केला. यानंतर तलाठी संतोष पवार यांना जखमी अवस्थेत परभणीच्या जिल्हा सामान्य रुग्णालयात उपचारासाठी आणण्यात आले. मात्र तोपर्यंत त्यांचा मृत्यू झाला होता. ही बाब कळताच परभणीचे जिल्हाधिकारी रघुनाथ गावडे यांच्यासह सर्वच महसूल अधिकारी कर्मचारी जिल्हा सामान्य रुग्णालयात दाखल झाले होते.
जमिनीचा वादातून खून झाला असण्याची शक्यता
सर्व अधिकाऱ्यांसमोर पवार यांच्या कुटुंबाने टाहो फोडत आरोपीला फाशी देण्याची मागणी केली आहे. संभाजीनगर विभागीय आयुक्त दिलीप गावडे हे संभाजीनगर इथून निघाले असून संतोष पवार यांच्या कुटुंबीयांची ते भेट घेणार आहेत. पोलिसांनी यातील आरोपीला अटक करण्यात आली आहे. आरोपी संतोष कराळे हा वारंवार तलाठी संतोष पवार यांना तुम्ही माझी जमीन इतरांच्या नावावर करून देताल असे म्हणत त्रास देत होता. मात्र असे करता येत नसते असे वारंवार सांगूनही आरोपीने ऐकले नाही. त्याने आज थेट पवार यांचा निर्दयीपणे खून केला आहे. दरम्यान या घटनेच्या निषेधार्थ तलाठी संघटना मोठा निर्णय घेण्याच्या तयारीत आहेत.
