टीम लोकमन मुंबई |
राज्याच्या राजकीय वर्तुळातून मोठी बातमी समोर आली आहे. शिवसेना उद्धव बाळासाहेब ठाकरे गटाचे 5 खासदार राज्याचे उपमुख्यमंत्री एकनाथ शिंदे यांच्या संपर्कात असल्याची माहिती आहे. संसदेच्या पावसाळी अधिवेशनात ठाकरेंना मोठा धक्का देण्याची रणनीती आखली जात असल्याचे बोलले जात आहे. ठाकरेंच्या 5 खासदारांनी एकनाथ शिंदे यांना साथ दिल्यास ठाकरेंना मोठा धक्का बसण्याची शक्यता आहे.
संसदेच्या पावसाळी अधिवेशनाच्या आधीच उद्धव ठाकरे यांना मोठा धक्का बसण्याची शक्यता वर्तविण्यात येत आहे. ठाकरेंचे 5 खासदार एकनाथ शिंदे यांच्या संपर्कात असल्याच्या चर्चेने राजकीय वर्तुळात खळबळ माजली आहे. त्यामुळे ठाकरे गटाकडून आऊटगोइंग थांबवण्यासाठी जोरदार प्रयत्न सुरु झाले आहेत. पक्षांतर बंदीचा फटका बसू नये यासाठी एकनाथ शिंदे यांच्या पक्षाला एका खासदाराची गरज आहे. यासाठी शिंदे सेना लवकरच ऑपरेशन टायगर पूर्ण करणार असल्याची माहिती विश्वसनीय सूत्रांकडून मिळाली आहे.
राज्याचे उपमुख्यमंत्री व शिवसेनेचे मुख्य नेते एकनाथ शिंदेंच्या शिवसेनेकडून चालवण्यात येणारे ऑपरेशन टायगर लवकरच पूर्ण होणार असल्याची माहिती मिळत आहे. ऑपरेशन टायगर पावसाळी अधिवेशाआधीच पूर्ण करण्यात येणार असल्याची देखील माहिती आहे. दुसरीकडे ठाकरे सेनेकडून आऊट गोईंग थांबवण्यासाठी मोठ्या प्रमाणात प्रयत्न सुरु झाले आहेत. शिंदेंच्या शिवसेनेला एका खासदाराची गरज आहे. त्यामुळे शिंदेंच्या शिवसेनेने ठाकरेंच्या खासदारांना संपर्क साधण्यास सुरुवात केल्याचे सांगण्यात येत आहे.
एकनाथ शिंदे यांच्या शिवसेनेकडून लवकरच हे ऑपरेशन टायगर पूर्ण होणार असल्याची माहिती मिळत आहे. शिंदेंच्या सेनेने सुरु केलेले ऑपरेशन टायगर हे संसदेच्या पावसाळी अधिवेशनाआधीच पूर्ण झाल्यास उद्धव ठाकरेंना मोठा धक्का बसणार आहे. त्यामुळे ठाकरे गटाकडून हे ऑपरेशन टायगर मोडीत काढण्यासाठी कोणते प्रयत्न केले जातात याकडे संपूर्ण राज्याचे लक्ष लागून राहिले आहे.
