टीम लोकमन मंगळवेढा |
आयुर्वेदिक सौंदर्य प्रसाधन कंपनी विको लॅबोरेटरीजचे अध्यक्ष यशवंत पेंढारकर यांचे शुक्रवारी सायंकाळी निधन झाले. ते 85 वर्षांचे होते. यशवंत पेंढारकर 2016 मध्ये विको कंपनीचे चेअरमन झाले होते.
दूरदर्शनवरील Vico ‘Vico Turmeric, Nahi Cosmetic, Vico Turmeric आयुर्वेदिक क्रीम’ आणि ‘वज्रदंती, वज्रदंती विको वज्रदंती’ यांसारख्या जिंगल्स लोकांना अजूनही आठवतात. 80 च्या दशकात टीव्ही जिंगल्सने देशभरात खळबळ उडवून दिली होती. विको आज खूप लोकप्रिय आहे, एकेकाळी त्याची उत्पादने घरोघरी विकली जात होती. अगदी सुरुवातीला विकोची उत्पादने स्वयंपाकघरात बनवली जायची.
विको कंपनीचे पूर्ण नाव विष्णू इंडस्ट्रियल केमिकल कंपनी आहे. विको कंपनीची सुरुवात 1952 मध्ये एका छोट्या घरात झाली. पहिले आयुर्वेदिक उत्पादन ‘विको वज्रदंती टूथ पावडर’ तयार करण्यात आले. या उत्पादनात असा दावा करण्यात आला होता की ते 18 औषधी वनस्पतींनी बनलेले आहे.
कंपनी लोकांच्या घरी जाऊन त्यांचे उत्पादन विकत असे. त्यांच्या मेहनतीला अल्पावधीतच फळ मिळाले आणि कंपनी सुरू केल्याच्या तीन वर्षातच त्यांनी मोठे यश प्राप्त केले. 1955 पर्यंत कंपनीची उलाढाल 10 लाख होती. परळच्या एका छोट्या गोदामात सुरू झालेल्या या कंपनीचे अतिशय अल्प काळात मोठ्या कारखान्यात रूपांतर झाले.
केशव विष्णू पेंढारकर यांनी ही कंपनी सुरू केली. नागपुरातील एका छोट्याशा परिसरात ते रेशन दुकान चालवत असे. केशव यांनी काहीतरी नवीन करण्याचा विचार केला आणि कुटुंबासह मुंबई गाठली. त्यांनी पाहिलं की लोक भरपूर ॲलोपॅथिक औषधे आणि पॉन्ड्स, निव्हिया, अफगाण स्नो यांसारखी विदेशी कॉस्मेटिक उत्पादने वापरतात. येथूनच त्यांना विको कंपनी सुरू करण्याची कल्पना सुचली.
