टीम लोकमन मंगळवेढा |
वाहनाचा वेग कमी ठेवला तरच रस्त्यावरील अपघात टाळता येतील असे मत मंगळवेढा पोलीस ठाण्यातील पोलीस उपनिरीक्षक नागेश बनकर यांनी व्यक्त केले. ते संत दामाजी महाविद्यालय कनिष्ठ विभागातील मराठी विभागाच्या वतीने इयत्ता 12 वी पाठयपुस्तकातील प्राचार्य शिवाजीराव भोसले यांच्या वेगवशता पाठावर आधारित आयोजित केलेल्या वाहतुकीचे नियम व वाहन चालविताना घ्यावायची काळजी या विषयावर मार्गदर्शन करताना बोलत होते.
सुरवातीस सामाजिक समता सप्ताह अंतर्गत घेण्यात आलेल्या निबंध व वक्तृत्व स्पर्धेतील बक्षिसे वितरित करण्यात आली यावेळी बनकर म्हणाले आज मद्यप्राशन करून भरधाव वेगाने गाडी चालविल्यामुळेच रस्त्यावरील अपघातांचे प्रमाण वाढले आहे यासाठी विद्यार्थ्यांनी जनजागृती करावी. तसेच हेल्मेटचा व सिटबेल्टचा वापर करणे आवश्यक आहे. रस्त्यावरील लाल, पिवळा व हिरवा सिग्नल काय संदेश देतात हे लक्षात घ्यावे तसेच वाहतुकीचे नियम हे अपघात कमी व्हावेत व शिस्त लागावी यासाठी आहेत हे लक्षात घेऊन प्रशासनास आपण सहकार्य करावे. असे आवाहनही त्यांनी केले.
यावेळी पोलीस हेड कॉनस्टेबल संभाजी यादव म्हणाले, वाहनाचा वेग कमी असणे आवश्यक असून गाडीवर मोबाईलचा वापर टाळला पाहिजे तसेच वाहन चालवीण्याचे प्रशिक्षण घेऊनच रस्त्यावरती वाहन चालवावे. आपल्या जवळ चालकाचा परवाना असणे गरजेचे आहे. आज रस्त्यावरील लेनची शिस्त न पाळल्यामूळे अनेक अपघात होत आहेत. ओव्हरटेक करताना समोरून येणाऱ्या वाहनाचा अंदाज घेणे आवश्यक आहे यासाठी वाहतुकीचे नियम चालकांनी पाळावेत व रस्त्यावरचे होणारे अपघात टाळावेत.
मोबाईल वरती बोलू नका, कानामध्ये हेडफोन घालू नका, वाहने वेगाने चालवू नये, मद्यप्राशन करून वाहन चालवू नये. असे संदेशात्मक विचार व्यक्त करत एक आगळ्या वेगळ्या उपक्रमाचे आयोजन केल्याबद्दल महाविद्यालयाचे कौतुक करीत आभार मानले. यावेळी गतीला आवरा जीवाला सावरा, जो चुकला नियमाला तो मुकला जीवनाला, मनाचा ब्रेक उत्तम ब्रेक, वाहतुकीचे नियम पाळा रस्त्यावरचे अपघात टाळा, अती घाई संकटात न्हेई अशा विचारांचा जागर घालण्यात आला.
यावेळी तुम्ही या क्षेत्रात कसे आलात आणि कशी प्रेरणा मिळाली ? वाहतूक नियंत्रक पोलीस बनण्यासाठी तुम्ही प्रशिक्षण घेतले का? दिवसभर रस्त्यावर बाहेर असता अशावेळी आपण आरोग्याची काळजी कशी घेता? लोक वाहतुकीचे नियम पाळत नाहीत याचे कारण काय असावे? लोंकाच्या सुरक्षिततेसाठी तुम्ही काय आवाहन कराल? पोलीस तपसणी करते वेळी लोकांच्या मनात भीती असते म्हणून अपघातग्रस्ताना लोक मदत करीत नाहीत याबद्दल आपले मत काय? अशा विदयार्थ्यांनी विचारलेल्या प्रश्नांना यादव यांनी उत्तरे देत मुलाखतीचा समारोप करण्यात आला.
यावेळी श्री संत दामाजी महाविद्यालयाचे उपप्राचार्य प्रा. राजेंद्र गायकवाड यांचेसह कनिष्ठ विभागातील सर्व शिक्षक-शिक्षका, बारावीचे सर्व विद्यार्थी उपस्थित होते. कार्यक्रमाचे प्रास्ताविक प्रा. धनाजी गवळी यांनी तर प्रा. विनायक कलुबर्मे यांनी सूत्रसंचालन करून आभार मानले.
