टीम लोकमन मंगळवेढा |
जालना जिल्ह्यातून भीषण अपघाताची बातमी समोर येत आहे. समृद्धी महामार्गावर दोन कारचा भीषण अपघात झाला आहे. या अपघातामध्ये सात जणांचा जागीच मृत्यू झाला आहे तर चार प्रवासी गंभीर जखमी झाले आहेत.
अपघातात जखमी झालेल्या प्रवाशांना उपचारासाठी सरकारी रुग्णालयात दाखल करण्यात आले आहे. समृद्धी महामार्गावरील कडवंची जवळ ही दुर्दैवी घटना घडली आहे. नागपूरकडून मुबंईकडे जाणाऱ्या ईरटीगा कारला डिझेल भरून विरुद्ध दिशेने येणाऱ्या स्विफ्ट डिझायर कारने जोरदार धडक दिली. हा अपघात इतका भीषण होता की अपघातामध्ये कारचा पूर्णपुणे चुराडा झाला आहे.
घटनेबाबत अधिक माहिती अशी की, जालन्याच्या हद्दीतील समृद्धी महामार्गावर दोन कारचा भीषण अपघात झाला आहे. या अपघातात सात जणांचा जागीच मृत्यू झाला आहे. नागपूरकडून मुबंईकडे जाणाऱ्या ईरटीका कारला डिझेल भरून रस्त्याच्या विरुद्ध दिशेने येणाऱ्या स्विफ्ट डिझायर कारने धडक दिल्याने हा भीषण अपघात घडला आहे. स्विफ्ट कारणे धडक दिल्यानंतर ईरटीका कार आणि स्विफ्ट कार समृद्धी महामार्गाचे बॅरिकेट्स तोडून खाली गेल्याची माहिती आहे.
रात्री अकराच्या सुमारास स्विफ्ट डिझायर कार क्रं. MH.12.MF.1856 मध्ये डिझेल भरल्यानंतर विरुद्ध दिशेने नागपूरकडून मुबंईकडे जाणाऱ्या ईरटीका कार क्रं. MH.47.BP .5478 ला जोरदार धडक दिली. कडवंची गावाजवळ हा अपघात घडला असून यात सात जणांचा जागीच मृत्यू झाला आहे तर चार प्रवासी गंभीर जखमी झाले आहेत. अपघातातील जखमींना स्थानिक नागरिकांच्या मदतीने उपचारसाठी जिल्हा सरकारी रुग्णालयात पाठविण्यात आले आहे.
