टीम लोकमन बोराळे |
मंगळवेढा तालुक्यातील महत्वाच्या मानल्या जाणाऱ्या बोराळे पंचायत समिती गणातून उपमुख्यमंत्री एकनाथ शिंदे यांच्या शिवसेनेकडून शिवसेनेचे उपतालुकाप्रमुख अक्षय पवार यांच्या मातोश्री अलका पवार यांनी आपला उमेदवारी अर्ज दाखल केला असून या गटात मतदार संख्या जास्त असल्याने बोराळे गावात नवनवीन राजकीय समीकरणे जुळून येताना दिसत आहेत.
वर्षानुवर्षे एकमेकांच्या विरोधात दंड थोपटणारे एकत्र वावरताना दिसत आहेत तर प्रत्येक निवडणुकीत विरोधकाची भुमीका बजावणाऱ्या वक्तीला उमेदवारी मिळणे. अशा अनेक अनपेक्षित घटना बोराळे गावच्या राजकारणात घडत आहेत. त्यामुळे दोन्ही बाजूचे निष्ठावान कार्यकर्त्यांमध्ये नाराजीचा सुर उमटताना दिसत आहे. दरम्यान आमदार समाधान आवताडे यांचे बोराळे येथील निष्ठावंत कार्यकर्ते म्हणून ओळखले जाणारे अक्षय पवार यांनी नुकताच उपमुख्यमंत्री एकनाथ शिंदे यांच्या शिवसेना पक्षात प्रवेश करून आपल्या मातोश्री यांची उमेदवारी दाखल केल्याने कुरघोडीच्या राजकारणात अक्षय पवार यांच्या मातोश्री अलका पवार यांना अधिकची पंसती मिळत असल्याचे दिसत आहे. अक्षय पवार यांनी गेल्या अनेक वर्षांपासून सामाजिक क्षेत्रात दिलेले योगदान त्यांच्या मातोश्रीसाठी जमेची बाजू ठरणार आहे.
शिवसेनेच्या उमेदवार अलका पवार यांचेसमोर उपमुख्यमंत्री अजितदादांच्या राष्ट्रवादीचे प्रदेश सरचिटणीस लतीफभाई तांबोळी यांच्या कन्या ॲड. सुमय्या तांबोळी यांचे तगडे आव्हान असणार आहे. त्यामुळे या पंचायत समिती गणातील निवडणुक चुरशीची होणार आहे.
