टीम लोकमन मंगळवेढा |
शिवजयंती निमित्त मंगळवेढा शहरातील नगरपालिका केंद्रातील सर्व शाळांची केंद्रस्तरीय वक्तृत्व स्पर्धा कै. नानासाहेब नागणे प्रशाला मंगळवेढा येथे पार पडली. या स्पर्धेचे मोठ्या गटाचे पारितोषिक नगरपालिका मुलांची प्राथमिक शाळा नंबर 1 मंगळवेढा या शाळेतील विद्यार्थिनी कुमारी स्वरा दीपक कोकरे हिने पटकावले. स्वरा कोकरे हिने हा किताब दुसऱ्यांदा पटकावला आहे.
आपल्या पहाडी व दमदार आवाजाच्या जोरावर तसेच आशयपूर्ण वक्तृत्वाने तिने हा किताब पटकावला. याप्रसंगी मंगळवेढा येथील सार्वजनिक शिवजयंती उत्सव मंडळाचे अध्यक्ष बाळासाहेब नागणे व हर्षद डोरले उपस्थित होते. परीक्षक म्हणून ज्ञानेश्वर मोरे सर व अशपाक काझी सर यांनी काम पाहिले. या स्पर्धेचे संयोजन चंद्रकांत देसाई गुरुजी व अर्जुन अवताडे गुरुजी यांनी केले होते.
यशस्वी विद्यार्थिनीचे मंगळवेढा नगरपालिका प्राथमिक शिक्षण मंडळाचे प्रशासनाधिकारी अर्चना जनबंधू, मुख्याध्यापक गणेश सालुटगी, वर्गशिक्षक यशवंत वाघमोडे, सहशिक्षिका सुनिता बागेवाडी, सहशिक्षक प्रशांत कांबळे, शिवाजी फाळके, श्रीमंत सोलनकर तसेच शाळा व्यवस्थापन समितीच्या अध्यक्षा भाग्यश्री मुरडे, व्यवस्थापन समितीचे सर्व सदस्य व पालकांनी अभिनंदन केले.
