टीम लोकमन मंगळवेढा |
महाराष्ट्र नर्सिंग कौन्सिल च्या वतीने 2024 रोजी घेण्यात आलेल्या जीएनएम परीक्षेत मंगळवेढ्याच्या मयुरी क्षीरसागर या विद्यार्थिनीने विशेष प्राविण्यसह कॉलेजमध्ये प्रथम क्रमांकाने उत्तीर्ण होण्याचा मान मिळवला.
महाराष्ट्र नर्सिंग कौन्सिलच्या वतीने सन 2024 मध्ये घेण्यात आलेल्या जीएनएम द्वितीय वर्ष परीक्षेत मंगळवेढा येथील संत कान्होपात्रा नर्सिंग कॉलेजच्या विद्यार्थ्यांनी घवघवीत यश संपादन केले असून कॉलेजच्या दोन विद्यार्थिनी विशेष प्राविण्यासह उत्तीर्ण झाल्या आहेत. त्यामुळे कॉलेजच्या निकालाची व उज्वल यशाची परंपरा कायम राहिली असून कॉलेजच्या प्रगतीचा आलेख उंचावत आहे.
संत कान्होपात्रा नर्सिंग कॉलेजमधील द्वितीय वर्षाच्या 50 विद्यार्थ्यांनी ही परीक्षा दिली होती. त्यापैकी 44 विद्यार्थी उत्तीर्ण झाले आहेत. कॉलेजचा निकाल 88 टक्के लागला असून कॉलेजमधील मयुरी क्षीरसागर व माधुरी पाच्छापूरे या दोन विद्यार्थिनी विशेष प्राविण्यासह उतीर्ण झाल्या आहेत.
संत कान्होपात्रा नर्सिंग कॉलेज मंगळवेढा मध्ये प्रथम क्रमांक मयुरी क्षीरसागर, द्वितीय क्रमांक माधुरी पाच्छापूरे, तृतीय क्रमांक पल्लवी ठोंबरे व आकाश ढोबळे, चतुर्थ क्रमांक स्वाती लोखंडे, पाचवा क्रमांक धनश्री बनसोडे व वैशाली कांबळे
संत कान्होपात्रा नर्सिंग कॉलेज मंगळवेढा येथील सर्व यशस्वी विद्यार्थ्यांना कॉलेजचे मार्गदर्शक डॉ. नंदकुमार शिंदे, संस्थेच्या अध्यक्षा डॉ. पुष्पांजली शिंदे, कॉलेजच्या प्राचार्या शरदिनी काळे, मार्गदर्शक शिक्षिका माधवी पवार- राजपूत, जगदीश सुतार, सोनाली बाबर व इतर विषय शिक्षकांचे व शिक्षकेतर कर्मचारी यांचे मार्गदर्शन लाभले.
या सर्व गुणवंत विद्यार्थ्यांचे राजपत्रित वैद्यकीय अधिकारी पतसंस्थेचे चेअरमन डॉ. नंदकुमार शिंदे, संत दामाजी मेडिकल फाउंडेशनच्या अध्यक्षा डॉ. पुष्पांजली शिंदे, रोटरी क्लब ऑफ मंगळवेढा सिटीचे सेक्रेटरी अभिजीत बने, मंगळवेढा मल्टीस्पेशालिटी हॉस्पिटलचे फिजिशियन डॉ. मनीष बसंतवाणी, अस्थिरोग तज्ञ डॉ. अरुणकुमार महिंद्रकर, बालरोग तज्ञ डॉ. महेश कोनळळी, वैद्यकीय अधिकारी डॉ. प्रथमेश बाबर, डॉ. निखिल गायकवाड, डॉ. मेघा महिंद्रकर, डॉ. रेणुका कोनळळी,
मंगळवेढा मल्टीस्पेशालिटी हॉस्पिटलचे मुख्य लेखाधिकारी सोमनाथ इंगळे, पॅथॉलॉजी विभाग प्रमुख दशरथ फरकंडे, भारतीय जनता पार्टीचे युवा नेते संतोष कोळसे पाटील, उदयसिंह मोहिते पाटील इंग्लिश मीडियम स्कूलचे प्राचार्य सुधीर पवार, संत कान्होपात्रा नर्सिंग कॉलेजच्या प्राचार्या शरदिनी काळे, सौ. माधवी भूषण राजपूत-पवार, प्रवीण पवार, जनसंपर्क अधिकारी सोमनाथ हेगडे यांनी अभिनंदन करून पुढील शैक्षणिक वाटचालीस शुभेच्छा दिल्या.
मंगळवेढा सारख्या दुष्काळी व ग्रामीण भागात गरीब व गरजू विद्यार्थ्यांना वैद्यकीय शिक्षणाची दारे खुली व्हावीत व ग्रामीण भागातील मुला मुलींना वैद्यकीय क्षेत्रात पदवीसोबतच चांगला रोजगार निर्माण व्हावा या उद्देशाने मंगळवेढ्यातील नामवंत स्त्रीरोग तज्ञ डॉ. पुष्पांजली शिंदे यांनी डॉ. नंदकुमार शिंदे यांच्या मार्गदर्शनाखाली श्री संत दामाजी मेडिकल फाउंडेशनच्या माध्यमातून संत कान्होपात्रा नर्सिंग कॉलेजची मुहूर्त रोवली. संपूर्ण मंगळवेढा तालुक्यासह राज्याच्या विविध भागातील अनेक गरीब विद्यार्थी या संकुलात वैद्यकीय शिक्षणाचे धडे गिरवत आहेत.
