टीम लोकमन पंढरपूर |
पंढरपूर येथील सिंहगड अभियांत्रिकी महाविद्यालयात सिक्युरिटी अँड एक्सचेंज बोर्ड ऑफ इंडिया (सेबी) आणि नॅशनल स्टॉक एक्सचेंज (एनएसई) यांच्या संयुक्त विद्यमाने सुरक्षित गुंतवणूक जागरूकता आणि आर्थिक नियोजनावर एकदिवसीय कार्यशाळा आयोजित करण्यात आल्याची माहिती महाविद्यालयाचे प्राचार्य डॉ. के. जे. करांडे यांनी दिली.
या कार्यशाळेसाठी प्रमुख पाहुणे म्हणून डॉ. आर. आर. येळीकर प्रमुख वक्ते म्हणून उपस्थित होते. त्यांनी गुंतवणुकीचे महत्त्व, धोके टाळण्याचे उपाय आणि बाजारातील नवीन तंत्रज्ञानावर आधारित संधी याबाबत सखोल मार्गदर्शन केले. कार्यक्रमात विविध सत्रांद्वारे शेअर बाजार, म्युच्युअल फंड खाते उघडणे आणि आर्थिक नियोजनाच्या पद्धती याविषयी समर्पकरित्या माहिती देण्यात आली. उपस्थितांनी या उपक्रमाचे स्वागत केले आणि उत्कृष्टरित्या माहिती सांगितल्याबद्दल आयोजकांचे आभार मानले.
यावेळी महाविद्यालयाचे प्राचार्य डॉ. कैलास करांडे, उपप्राचार्य डॉ. स्वानंद कुलकर्णी, डॉ. श्याम कुलकर्णी, डॉ. चेतन पिसे, डॉ. कदम, डॉ. मुलानी, डॉ. कोंडरू, डॉ. पिंगळे, डॉ. संपत देशमुख, डॉ. गोडबोले, डॉ. अनिल निकम, डॉ. गंधारे, डॉ. आराध्ये, डॉ. पवार, डॉ. कोळी, प्रथम वर्ष विभाग प्रमुख डॉ. अनिल निकम, डॉ. दीपक गणमोटे यांचेसह सर्व शिक्षक व शिक्षकेतर कर्मचारी उपस्थित होते.










