टीम लोकमन सोलापूर |
राज्य शासनाच्या ग्रामविकास व पंचायत राज विभागाच्या वतीने स्वच्छ वारी निर्मल वारी उपक्रमांतर्गत श्री संत ज्ञानेश्वर महाराज व श्री संत तुकाराम महाराज पालखी सोहळा निर्मल दिंडीचा समारोप आज शनिवार दिनांक 5 जुलै रोजी दुपारी 3 वाजता पंढरपूर येथे राज्याचे मुख्यमंत्री देवेंद्र फडणवीस यांच्या हस्ते येथे होणार असल्याची माहिती सोलापूर जिल्हा परिषदेचे मुख्य कार्यकारी अधिकारी कुलदीप जंगम यांनी दिली.
पंचायत समिती पंढरपूर येथे आज दुपारी 3 वाजता राज्याचे मुख्यमंत्री देवेंद्र फडणवीस यांच्या शुभहस्ते हा समारंभ सोहळा संपन्न होत असून राज्याचे ग्रामविकास व पंचायत राज मंत्री तथा सोलापूर जिल्ह्याचे पालकमंत्री जयकुमार गोरे हे या समारोप सोहळ्याचे अध्यक्षस्थान भूषविणार आहेत. यावेळी प्रमुख पाहुणे म्हणून राज्याचे सार्वजनिक आरोग्य व कुटुंब कल्याण मंत्री प्रकाश आबिटकर, ग्रामविकास व पंचायत राज, गृह, महसूल, अन्न नागरी पुरवठा व ग्राहक संरक्षण, अन्न व औषध प्रशासन विभागाचे राज्यमंत्री योगेश कदम, राज्य महिला आयोगाच्या अध्यक्षा रूपाली चाकणकर हे उपस्थित राहणार आहेत.
या समारोप सोहळ्यासाठी खासदार ओमप्रकाश राजेनिंबाळकर, खासदार धैर्यशील मोहिते पाटील, खासदार प्रणिती शिंदे, आमदार रणजीतसिंह मोहिते पाटील, आमदार सुभाष देशमुख, आमदार नारायण पाटील, आमदार उत्तमराव जानकर, आमदार डॉ. बाबासाहेब देशमुख, आमदार अरुण लाड, आमदार दिलीप सोपल, आमदार समाधान आवताडे, आमदार राजू खरे, आमदार देवेंद्र कोठे, आमदार जयंत आसगावकर, आमदार विजय देशमुख, आमदार सचिन कल्याणशेट्टी, आमदार अभिजीत पाटील यांचेसह राज्याच्या ग्रामविकास विभागाचे प्रधान सचिव एकनाथ डवले, राज्याच्या पाणीपुरवठा व स्वच्छता विभागाचे प्रधान सचिव संजय खंदारे आदी मान्यवर उपस्थित राहणार आहेत.
स्वच्छ वारी निर्मल वारी उपक्रमांतर्गत श्री संत ज्ञानेश्वर महाराज व श्री संत तुकाराम महाराज पालखी सोहळा निर्मल दिंडी समारंभ सोहळ्यास वारकरी भाविक तसेच नागरिकांनी मोठ्या संख्येने उपस्थित राहावे असे आवाहन पुणे विभागाचे विभागीय आयुक्त डॉ. चंद्रकांत पुलकुंडवार, सोलापूरचे जिल्हाधिकारी कुमार आशीर्वाद, सोलापूर जिल्हा परिषदेचे मुख्य कार्यकारी अधिकारी कुलदीप जंगम यांनी केले आहे.
