टीम लोकमन कोल्हापूर |
आज कोल्हापूर मध्ये हॉटेल एटरिया येथे कोल्हापूर जिल्हा नाभिक दुकान मालक जनसेवा संघातर्फे सलून मॅनेजमेंट व फायनान्शियल मॅनेजमेंट या विषयावर चर्चासत्र आयोजित करण्यात आले होते. यावेळी कोल्हापुरातील सुमारे दीडशे पेक्षा अधिक सलून व्यावसायिक उपस्थित होते.
कार्यक्रमाच्या सुरुवातीला उपाध्यक्ष सतीश चव्हाण यांनी सर्वांचे स्वागत केले. त्यानंतर अध्यक्ष श्रीकांत झेंडे यांनी प्रस्तावना व संघटनेच्या कामाचा आढावा सांगितला. यानंतर प्रमुख पाहुणे पश्चिम महाराष्ट्र विभाग अध्यक्ष बाबासाहेब काशीद, कोल्हापूर जिल्हाध्यक्ष मारुती टिपूगडे, गृह निर्माण संस्थेचे अध्यक्ष राजाराम शिंदे, यांनी मार्गदर्शन केले.
दुकान मालक संघटनेचे संस्थापक अध्यक्ष मनोहर बापू झेंडे, नाभिक बोर्डिंगचे अध्यक्ष नारायण पवार, कोल्हापूर जिल्ह्यातील नाभिक समाजाचे धडाडीचे नेतृत्व व युवक संघटनेचे अध्यक्ष मोहन चव्हाण, बोर्डिंगचे ट्रस्टी भरत माने, पंचगंगा बँकेचे संचालक भगवान काशीद, विभागीय उपाध्यक्ष दत्ताजी टिपूगडे, बोर्डिंग व युवक संघटनेचे उपाध्यक्ष दीपक खराडे यांचेसह उपस्थित सर्व मान्यवरांचे सत्कार संयोजकांचे वतीने करण्यात आले.
बलुतेदारीत अडकलेल्या नाभिक व्यवसायाला सलून इंडस्ट्रीचे स्वरूप प्राप्त करून देणारे आणि नाभिक व्यवसायाला ग्लॅमरस देणारे, कोल्हापूर जिल्ह्यातील पहिल्या अत्याधुनिक सलोनची निर्मिती करणारे, आंतरराष्ट्रीय दर्जाचे कोल्हापूर जिल्ह्यातील पहिले हेअर व मेकअप आर्टिस्ट म्हणून नामांकित असलेले, आपल्या ‘ओके’ या कलादालनातून कोल्हापूर जिल्ह्यातील अनेक मामा (माहिर व मातब्बर) कलाकार घडविणारे, कोल्हापूर नाभिक दुकानदार संघटनेचे अध्यक्ष श्रीकांत झेंडे यांनी सलून मॅनेजमेंट या विषयावर अतिशय सुंदर आणि सोप्या भाषेत व्यवसाय वाढीसाठी काय करणे आवश्यक आहे. यावर बहुमोल असे मार्गदर्शन केले. एन जे इंडिया इन्व्हेस्टमेंट चे अजिंक्य सर व राहुल कुलकर्णी सर यांनी फायनान्स मॅनेजमेंट या विषयावर बचत किती महत्त्वाचे आहे आणि आपल्याला रिटायर लाईफ कसं निवांत जाऊ शकतं याबाबत सखोल मार्गदर्शन केले.
समाजाला या सेमिनार मधील दोन्ही विषयांचे ज्ञान मिळण्याची नितांत आवश्यकता होती. दोन्ही विषय सरळ सोप्या भाषेत मार्गदर्शन मिळाल्यामुळे सर्व सलून व्यावसायिक समाधानी झाल्याचे पाहायला मिळाले. या अतिशय सुंदर अशा कार्यक्रमाचे सूत्रसंचालन सेक्रेटरी राहुल टिपूगडे यांनी केले तर शहराध्यक्ष विकी सूर्यवंशी यांनी आभार मानले.
या कार्यक्रमासाठी उदय गवळी, संग्राम काशीद, विजय मांढरेकर, गणेश मोरे, संग्राम माटे, सुनील खेडकर, अमोल टीपुगडे, तानाजी मर्दाने, सचिन मेथे, केरबा टीपुगडे, अमोल चौगले, सचिन यादव यांनी बहुमोल असे सहकार्य केले. या कार्यक्रमाच्या यशस्वीतेसाठी श्रीकांत झेंडे अध्यक्ष, सतिश चव्हाण उपाध्यक्ष, राहुल टीपुगडे सेक्रेटरी, दीपक माने सहसेक्रेटरी, प्रमोद झेंडे खजिनदार, संचालक अविनाश यादव, मोहन साळुंखे, सोमण गवळी, चंद्रकांत राऊत, राहुल काशीद, दिलीप टीपुगडे, इंद्रजित जगताप यांनी प्रयत्न केले.








