टीम लोकमन मंगळवेढा |
भरधाव डंपरने फूटपाथवर झोपलेल्या नऊ जणांना चिरडल्याने झालेल्या अपघातात तीन जणांचा जागीच मृत्यू झाला आहे. यामध्ये दोन बालकांचा समावेश आहे. तर सहाजण जखमी झाले आहेत. जखमी मधील तिघांची प्रकृती चिंताजनक असल्याचे म्हटले जात आहे. ही घटना रात्री 12.30 वाजण्याच्या सुमारास वाघोलीतील केसनंद फाट्यावर घडली आहे. डंपर चालक मद्यधुंद अवस्थेत होता.
वैभवी रितेश पवार (वय 1 वर्ष), वैभव रितेश पवार (वय 2 वर्ष), रीनेश नितेश पवार (वय 30 वर्ष) अशी मृतांची नावे आहेत. तर सहाजण जखमी झाले आहेत. जखमींना उपचारासाठी ससून रुग्णालयात हलविण्यात आले आहे. हे सर्व कामगार आहेत.
रविवारी रात्रीच ते सर्वजण अमरावती येथून कामासाठी आले होते. या फूटपाथवर बाराजण झोपले होते. तर बाकी फूटपाथच्या बाजूला झोपड्यात झोपले होते. हे सर्व मजुरी करणारे कामगार आहेत. भरघाव डंपर सरळ फूटपाथवर चढून झोपलेल्यांच्या अंगावर गेल्याने हा अपघात झाला.
अपघातातील मृतांची नावे
वैभवी रितेश पवार (वय 1 वर्ष),
वैभव रितेश पवार (वय 2 वर्ष),
रीनेश नितेश पवार (वय 30 वर्ष)
