टीम लोकमन मंगळवेढा |
राज्यातील अपघातांची मालिका सुरुच असल्याचे चित्र आहे. सांगली जिल्ह्यातील कुटुंबाच्या बंगळुरु राष्ट्रीय महामार्गावर भीषण अपघाताची घटना घडली असून या दुर्दैवी घटनेत एकाच कुटुंबातील 6 जणांचा मृत्यू झाला आहे.
अपघातातील मृत कुटुंब हे सांगली जिल्ह्यातील जत तालुक्यातील असून या दुर्दैवी घटनेने मोरबगी गावावर शोककळा पसरली आहे. सांगलीच्या जत तालुक्यातील मोरबगी गावचे कुटुंब बंगळुरुवरुन ख्रिसमसच्या सुट्टीनिमित्त गावाकडे येत असताना कंटेनर ट्रक कारवर पलटी झाल्याने एकाच कुटुंबातील 6 जणांचा दुर्देवी मृत्यू झाला आहे. या घटनेने गावावर शोककळा पसरली आहे.
बंगळुरू जिल्ह्यातील नेलमंगळा तालुक्यातील तळकेरेजवळ ही दुर्घटना घडली आहे. ख्रिसमसनिमित्त सुट्टी असल्याने इप्पाळगोळ हे कुटुंब आपल्या गावकडे येत होते. त्यावेळी अचानक कंटेनर ट्रक कार गाडीवर पलटी झाल्याने एकाच कुटुंबातील 6 जणांचा दुर्देवी मृत्यू झाला आहे. मृतांमध्ये पती चंद्रम इगाप्पागोळ (वय 46), पत्नी धोराबाई (वय 40) मुलगा गण (वय 16), मुली दिक्षा (वय 10), आर्या (वय 6), चंद्रम इगाप्पागोळ यांच्या भावाच्या पत्नी विजयालक्ष्मी (वय 35) यांचे देखील निधन झाले आहे.
चंद्रम इगाप्पागोळ हे मूळचे सांगलीच्या जत तालुक्यातील मोराबागी गावातील रहिवासी आहेत. ते बेंगलोर येथे सॉफ्टवेअर कंपनीत नोकरीला होते. या दुर्घटनेत त्यांचे संपूर्ण कुटुंबच मृत्यूमुखी पडल्याने सर्वत्र हळहळ व्यक्त होत आहे.
याप्रकरणी नेलमंगला वाहतूक पोलिस ठाण्यात अपघाताचा गुन्हा दाखल करण्यात आला आहे.अवघ्या तीन महिन्यांपूर्वीच चंद्रम इग्गाप्पागोळ यांनी कार खरेदी केली होती. KA 01 ND 1536 व्होल्वो कारमधील एकाच कुटुंबातील 6 जणांचा मृत्यू झाला. विशेष म्हणजे चंद्रम यांनी 21 ऑगस्ट 2024 रोजी व्होल्वो कार खरेदी केली होती.
