टीम लोकमन मंगळवेढा |
राज्यात नुकत्याच पार पडलेल्या महाराष्ट्र विधानसभा निवडणुकीच्या कालावधीत राज्यात कोट्यवधी रुपयांचे घबाड भरारी पथकाला सापडले होते. महिनाभरात 600 कोटींपेक्षा जास्त मालमत्ता पोलिसांकडून त्यावेळी जप्त करण्यात आली होती.
आता विधानसभा निवडणुका संपताच पंढरपूरमध्ये बनावट नोटांचा पर्दाफाश झाला असून तब्बल 10 लाखांपेक्षा जास्त बनावट नोटा पोलिसांनी जप्त केल्या आहेत. या प्रकरणी पोलिसांनी दोन जणांना अटक केली आहे. मिळालेल्या माहितीनुसार येथील मधुकर माने यांना एजंटकडून गाई गोठ्याचे 10 लाख रुपयांचे अनुदान मिळाले होते.
500 रुपयांच्या नोटा घेऊन मधुकर माने बँकेत गेले होते. त्यावेळी त्या सर्व नोटा बनावट असल्याचे निदर्शनास आले. त्याबाबत मधुकर माने यांनी पोलिसांत धाव घेत तक्रार दाखल केली. पोलिसांनी याप्रकरणी तात्काळ राजू चोरमले आणि अतुल तावरे या दोघांना अटक केली. पोलिस याप्रकरणाचा कसून तपास करत असून यामध्ये आणखी कुणाचा हात आहे का? हे पोलिसांच्या तपासानंतर समोर येईलच. पण इतक्या मोठ्या प्रमाणात बनावट नोटा मिळाल्यामुळे पंढरपूरमध्ये मोठी खळबळ उडाली आहे.
पंढरपूर शहरात पोलिसांना तब्बल 10 लाख 14 हजार रुपयांच्या बनावट नोटा जप्त करण्यात आल्या आहेत. या प्रकरणी राजू चोरमले आणि अतुल तावरे या दोन संशयित आरोपींना पोलिसांनी अटक केली आहे. पोलिसांनी बावनट नोटांचा पर्दाफाश केल्याने त्यांच्या कामगिरीचे सर्वत्र कौतुक होत आहे. पंढपुरात यापूर्वीही असे अनेक प्रकरण घडले आहेत. परंतु पोलिसांनी मोठ्या शिताफीने नोटांच्या प्रकरणांचा तपास करत भामट्यांचा पर्दाफाश केला आहे.
पंढरपुरात पोलिसांनी बानवट नोटांचे मोठे रॅकेट उघड केले आहे. मधुकर माने यांना बनावट नोटा देऊन आरोपींनी गंडा घालण्याचा प्रयत्न केला आहे. कारवाईमध्ये पंढरपूर शहर पोलिसांनी तब्बल 10 लाख 14 हजार रुपयांच्या बनावट नोटा जप्त केल्या आहेत. या प्रकरणात शासकीय योजना मंजूर करुन देणारे खासगी एजंट राजू चोरमले आणि अतुल तावरे यांना पोलिसांनी मोठ्या शिताफीने अटक केली. पंढरपूर शहर पोलिसांनी बावनट नोटांचा पर्दाफाश केल्याने त्यांच्यावर मोठ्या प्रमाणात कौतुकाचा वर्षाव करण्यात येत आहे.
