टीम लोकमन मंगळवेढा |
गुजरात राज्यातील सूरतमध्ये भारतीय जनता पार्टीच्या तरुण महिला नेत्याने आत्महत्या केल्याची घटना घडल्यानंतर एकच खळबळ उडाली आहे. दीपिका पटेल (वय 34) असे आत्महत्या केलेल्या भाजपच्या तरुण महिला नेत्याचे नाव आहे.
गुजरातच्या सूरत शहरातील अलथाना वार्ड क्रमांक 30 मधील भारतीय जनता पार्टी महिला मोर्चाच्या अध्यक्षा दीपिका पटेल यांनी आत्महत्या केली आहे.
त्यांनी राहत्या घरी जीवन संपवले आहे. मात्र दीपिका पटेल यांच्या नातेवाईकांनी तिची हत्या झाल्याचा संशय व्यक्त केला आहे. याप्रकरणी पोलिसांनी गुन्हा दाखल केला असून पोलीस पुढील तपास करत आहेत.
दीपिका यांच्या नातेवाईकाने म्हटले की, दीपिका गेल्या अनेक वर्षांपासून भारतीय जनता पार्टीची कार्यकर्ता होती. ती समाजसेवा करायची. यादरम्यान तिच्या कुटुंबाला तिची हत्या होण्याची भीती होती. आत्महत्या करताना त्यांचे कुटुंबीय आणि मुले घरात होती. तर त्यांचे पती शेतात होते.
दरम्यान, दीपिका पटेल यांनी आत्महत्या केली की त्यांची हत्या झाली, याबाबतची माहिती पोस्टमार्टम रिपोर्टनंतर समोर येण्याची शक्यता आहे. पोलिस पुढील तपास करत आहेत. मात्र या घटनेमुळे भारतीय जनता पार्टीत खळबळ उडाली आहे.
