टीम लोकमन मंगळवेढा |
महाराष्ट्र विधानसभा निवडणुकीसाठी काँग्रेस पक्षाने आपली चौथी यादी जाहीर केली आहे. चौथ्या यादीत 14 उमेदवारांची नावे जाहीर करण्यात आली आहे. या यादीत सोलापूर जिल्ह्यातील दोन मतदारसंघांचा समावेश असून पंढरपूर मधून भगीरथ भालके यांना तर दक्षिण सोलापूर मधून दिलीप माने यांना उमेदवारी देण्यात आली आहे.
यात मुंबईच्या अंधेरी पश्चिम विधानसभा मतदारसंघातून काँग्रेने उमेदवार बदलला आहे. येथून काँग्रेसने सचिन सावंत यांना उमेदवारी जाहीर केली होती. मात्र सावंत यांना वांद्रे पूर्व विधानसभा मतदारसंघातून निवडणूक लढवण्याची इच्छा असल्याने त्यांनी नाराजी व्यक्त केली होती. यानंतर आता अंधेरी पश्चिम येथून पक्षाने अशोक जाधव यांना उमेदवारी जाहीर केली.
कोणाला कुठून मिळाली उमेदवारी?
१.अमळनेर : डॉ.अनिल शिंदे
२. उमरेड – अनुसूचित जाती: संजय नारायणराव मेश्राम
३. आरमोरी – एसटी : रामदास मसराम
४. चंद्रपूर – अनुसूचित जाती: प्रवीण नानाजी पाडवेकर
५. बल्लारपूर : संतोषसिंग चंदनसिंग रावत
६. वरोरा : प्रवीण सुरेश काकडे
७. नांदेड उत्तर : अब्दुल सत्तार अब्दुल गफूर
८. औरंगाबाद पूर्व : लहू एच. शेवाळे
९. नालासोपारा : संदीप पांडे
१०. अंधेरी : अशोक जाधव पश्चिम
११. शिवाजीनगर : दत्तात्रय बहिरट
१२. पुणे कॅन्टोन्मेंट – अनुसूचित जाती: रमेश आनंदराव भागवे
१३. सोलापूर दक्षिण : दिलीप ब्रह्मदेव माने
१४. पंढरपूर : भगीरथ भालके
