माडग्याळ : नेताजी खरात
कंठी तालुका जत जिल्हा सांगली येथे पुण्यश्लोक राजमाता अहिल्यादेवी होळकर यांच्या 299 व्या जयंतीनिमित्त भव्य राज्यस्तरीय वकृत्व स्पर्धा घेण्यात आल्या त्यामध्ये श्री दानेश्वरी न्यू इंग्लिश स्कूल गुड्डापूर या शाळेतील विद्यार्थ्यांचे वकृत्व स्पर्धेत घवघवीत यश संपादन केले आहे.
यामध्ये लहान गटामध्ये कुमारी वेदिका नेताजी खरात हिने द्वितीय क्रमांक मिळवला. तर प्रयाग प्रशांतकुमार शिवनगी यांने उत्तेजनार्थ क्रमांक मिळवला. त्याचबरोबर मध्यम गटामध्ये कुमार पृथ्वी प्रशांतकुमार शिवनगी यांनी तृतीय क्रमांक पटकावला तर कुमारी श्रावणी विनायक सुर्वे हिने उत्तेजनार्थ क्रमांक मिळवला.
या सर्व विजेत्यांना प्रमाणपत्र ,ट्रॉफी व रोख रक्कम बक्षीस देऊन मान्यवरांच्या हस्ते सन्मानित करण्यात आले. या वकृत्व स्पर्धेसाठी मोलाचे मार्गदर्शन मुख्याध्यापक, शिक्षक व पालक यांचे लाभले. या सर्व यशस्वी विद्यार्थ्यांचे संस्थेच्या व विद्यालय च्या वतीने अभिनंदन व कौतुक होत आहे.
