टीम लोकमन मंगळवेढा |
अहमदनगर जिल्ह्यामधील श्रीगोंदा तालुक्यातील बेलवंडी येथील एका घटनेनं संपूर्ण शहर हादरलं आहे. एका लेडीज डॉक्टरने नर्सला घरात घुसून लोखंडी रॉडने मारहाण केल्याने संपूर्ण वैद्यकीय क्षेत्रात खळबळ माजली आहे.
मारहाणीचा व्हिडीओ सध्या सोशल मीडियावर मोठ्या प्रमाणात व्हायरल होत आहे. याप्रकरणी पीडित नर्सने थेट पोलीस ठाणे गाठत याप्रकरणी तक्रार दाखल केली आहे. नर्सच्या फिर्यादीवरून डॉ. माधुरी जगताप यांच्या विरोधात बेलवंडी पोलीस ठाण्यात गुन्हा दाखल करण्यात आला आहे.
अहमदनगर जिल्ह्यामधील श्रीगोंदा तालुक्यातील बेलवंडी येथे एका लेडीज डॉक्टरने नर्सला बेदम मारहाण केल्याचा प्रकार समोर आला आहे. एका लेडीज डॉक्टरने नर्सला घरात घुसून लोखंडी रॉडने मारहाण केली. या मारहाणीचा व्हिडीओ सोशल मीडियावर व्हायरल झाला आहे. शुक्रवारी रात्री आठ वाजण्याच्या सुमारास ही घटना घडली. सदर नर्सच्या फिर्यादीवरून डॉ. माधुरी जगताप यांच्या विरोधात बेलवंडी पोलीस ठाण्यात गुन्हा दाखल करण्यात आला आहे.
नेमकं घडलय तरी काय?
डॉ. माधुरी जगताप यांनी नर्सच्या घरी जाऊन “तू माझ्या नवऱ्याच्या मोबाईलवर मेसेज का करतेस?”, अशी विचारणा केली. त्यानंतर सोबत आणलेल्या लोखंडी रॉडने नर्सला मारहाण केली. एवढेच नव्हे तर “माझ्याकडे त्यांचा नंबरही नाही, मी कशाला मेसेज करू”, असे नर्सने महिला डॉक्टरला सांगितले. मात्र तरीही डॉ. माधुरी जगताप काही थांबल्या नाहीत. त्यांनी हातातील पाईपमध्ये लोखंडी रॉड टाकून नर्सला मारहाण सुरूच ठेवली. याप्रकरणी त्या नर्सने लेडीज डॉक्टरविरोधात फिर्याद दाखल केली असून पोलिसांनी त्या फिर्यादीच्या आधारावर गुन्हाही दाखल केला आहे.
पीडित नर्सने फिर्यादीत सांगितल्यानुसार, महिला डॉक्टरने लोखंडी रॉडने जबर मारहाण केलीच, पण त्यासोबतच “पुन्हा जर नादी लागली तर फाशी देऊन मारीन… गावात राहिली तर सुपारी देऊन मारून टाकीन… कोणत्याही हॉस्पिटलमध्ये काम करू देणार नाही…”, अशा धमक्याही वारंवार त्या नर्सला दिल्या आहेत. नर्सच्या फिर्यादीवरून डॉ. माधुरी जगताप यांच्या विरोधात गुन्हा दाखल करण्यात आला आहे.
