टीम लोकमन सोलापूर |
पुणे येथील महाराष्ट्र राज्य शैक्षणिक संशोधन व प्रशिक्षण परिषदेच्या वतीने आयोजित करण्यात आलेल्या शैक्षणिक नवोपक्रम स्पर्धेत नुमवि मराठी शाळेच्या शिक्षिका रोहिणी सचिन चौधरी यांनी जिल्हास्तरावर प्रथम क्रमांक पटकावला आहे.
प्राथमिक शिक्षक व मुख्याध्यापक गटातून त्यांनी या स्पर्धेत सहभाग घेतला होता. रोहिणी चौधरी यांनी ‘पहिलीत घेऊ कला कौशल्यांचा व गुणवत्तेचा मंत्र… हाती घेऊ नाविन्यपूर्ण उपक्रमाचे तंत्र’ हा प्रकल्प सादर केला होता. या नवोपक्रमास सोलापूर जिल्ह्यातून प्रथम क्रमांक मिळाला आहे. त्यांच्या या यशाबद्दल जिल्हा शिक्षण प्रशिक्षण संस्थेचे प्राचार्य जितेंद्र साळुंखे, अधिव्याख्याता शशिकांत शिंदे, श्री बुधाराम, नाना पाटील, शाळा व्यवस्थापन समितीचे अध्यक्ष राजेश पटवर्धन, मुख्याध्यापिका वर्षा जेधे व सहकारी शिक्षकांनी अभिनंदन केले.
रोहिणी चौधरी या सातत्याने नाविन्यपूर्ण उपक्रम राबवीत असतात. शैक्षणिक सेवे सोबत त्या सामाजिक कार्यातही नेहमी अग्रेसर असतात त्या रोटरी क्लब ऑफ जुळे सोलापूरच्या सदस्या आहेत. रोटरी क्लबच्या माध्यमातून त्या अनेक सामाजिक उपक्रमात सहभागी असतात रोटरी क्लब ऑफ जुळे सोलापूरच्या वतीने श्रावण महिन्यात महिलांसाठी घेण्यात आलेल्या सरींवर सरी या कार्यक्रमाचे त्यांनी अतिशय नेटके नियोजन केले होते.
रोहिणी चौधरींच्या या यशाबद्दल रोटरी डिस्ट्रिक्ट 3132 च्या डिस्ट्रिक्ट गव्हर्नर स्वाती हेरकल, राज्याचे माजी शिक्षण संचालक सुरेश जगताप, सोलापूरचे प्राथमिक शिक्षणाधिकारी कादर शेख, सोलापूर महापालिका शिक्षण मंडळाचे प्रशासनाधिकारी संजय जावीर, सोलापूर मधील नामांकित उद्योगपती रोटेरियन जयेशभाई पटेल, माजी आमदार प्रकाश यलगुलवार, माजी आमदार दिलीप माने, सोलापूर महानगरपालिका शिक्षण मंडळाचे माजी पक्षनेते पांडुरंग चौधरी, रोटरी क्लब ऑफ जुळे सोलापूरचे प्रेसिडेंट माऊली झांबरे, सेक्रेटरी विक्रम बंडेवार, रोटरी क्लब ऑफ मंगळवेढा सिटीचे प्रेसिडेंट अमोल रत्नपारखी, सेक्रेटरी अभिजीत बने, ब्रह्मदेवदादा माने सहकारी बँकेचे संचालक सचिन चौधरी, न्यूज 87 लोकमन चे सोलापूर जिल्हा प्रतिनिधी सुरज राऊत, वीर कोतवाल शिक्षण संस्थेचे अध्यक्ष गणेश दळवी, माजी अध्यक्ष भगवान काशीद यांनी अभिनंदन केले.
