टीम लोकमन मंगळवेढा |
उच्च न्यायालय, मुंबई, जिल्हा न्यायालय सोलापूर आणि जिल्हा विधी सेवा प्राधिकरण यांच्या निर्देशानुसार तालुका विधी सेवा समिती मंगळवेढा व विधीज्ञ संघ मंगळवेढा यांच्या सहकार्याने शनिवार दिनांक 27 जुलै रोजी आयोजित करण्यात आलेल्या राष्ट्रीय महालोकअदालत मध्ये एकूण 150 प्रकरणे निकाली काढण्यात आली. यामध्ये 3 कोटी 29 लाख 29 हजार 769 रुपये रकमेची तडजोड करण्यात आली.
या महालोकअदालत साठी मंगळवेढा येथे एकुण 2 पॅनल तयार करण्यात आले होते. पॅनल क्रमांक 1 चे पॅनलप्रमुख श्रीमती. एस. एन. गंगवाल-शाह, दिवाणी व फौजदारी न्यायाधीश व पॅनल वकील म्हणून ॲड. डि. एस. माने यांनी काम पाहिले. त्यांच्याकडे दिवाणी व फौजदारी प्रलंबित प्रकरणे ठेवण्यात आलेली होती.
तसेच पॅनल क्रमांक 2 चे पॅनलप्रमुख पी. पी. बागुल, 4 थे सह. दिवाणी न्यायाधीश कनिष्ठ स्तर पंढरपूर व पॅनल वकील म्हणून ॲड. एस. जी. जमदाडे यांनी काम पाहिले. त्यांच्याकडे दाखलपुर्व प्रकरणे, गुन्हा कबुल केलेली प्रकरणे, तसेच आय.पी.सी.188 ची प्रकरणे ठेवण्यात आलेली होती.
सदर लोकअदालतकरीता दिवाणी व फौजदारी प्रलंबित एकुण 1658 प्रकरणे ठेवण्यात आलेली होती. त्यापैकी 106 प्रकरणे निकाली करण्यात आली आहेत. तसेच दाखलपुर्व एकुण 5213 प्रकरणे ठेवण्यात आलेली होती. त्यापैकी एकुण 44 प्रकरणे निकाली झालेली आहेत. तसेच एकुण 150 निकाली प्रकरणांमधुन 3 कोटी 29 लाख 29 हजार 769 एवढी रक्कमेची तडजोड करण्यात आली.
सदरची महालोकअदालत यशस्वी करण्यासाठी विधीज्ञ संघाचे अध्यक्ष ॲड. उल्हास माने, उपाध्यक्ष ॲड. व्ही. वाय. बेदरे, सचिव ॲड. जावेद मुल्ला यांचेसह सर्व विधीज्ञ यांनी सहकार्य केले. तसेच सहाय्यक अधीक्षक एस. आर. रामदास व श्रीमती. ए. डी. उत्पात, विधीसेवा समिती कर्मचारी एस.एस.वडतीले, अकिल दरवाजकर व इतर नेमलेले सर्व न्यायालयीन कर्मचारी यांनी परीश्रम घेतले. सदरची महालोकअदालत सर्वांच्या सहकार्याने यशस्वीरीत्या संपन्न झाली.
